• USD 468.9

  • EUR 485.64

  • RUB 7.7

  • CNY 66.1

01 Jeltoqsan, 08:25:07
Almaty
-1°

Prezıdent Qasym-Jomart Toqaev qarjy naryǵyn retteý jáne damytý agenttiginiń tóraǵasy Mádına Ábilqasymovany qabyldady, dep habarlady Aqorda saıty.

Mádına Ábilqasymova prezıdentke Qazaqstan qarjy naryǵynyń byltyrǵy damý qorytyndylary jáne agenttiktiń bıylǵy jylǵa arnalǵan jumysynyń negizgi basymdyqtary týraly baıandady.

"Qasym-Jomart Toqaevqa 2020 jyldyń qorytyndysy boıynsha ekonomıkany kredıtteýdiń 5,5 paıyzǵa ulǵaıyp, 14,6 trıllıon teńgege jetkeni jaıynda aıtyldy. Daǵdarysqa qaramastan, shaǵyn jáne orta bızneske beriletin kredıtter, onyń ishinde, bızneske qoldaý kórsetýdiń memlekettik baǵdarlamalaryn keńeıtý arqyly 7,1 paıyzǵa, ıaǵnı 4,2 trıllıon teńgege deıin ósken. Prezıdenttiń tapsyrmasy boıynsha ekonomıkanyń zardap shekken sektorlaryndaǵy shaǵyn jáne orta bıznestiń barlyq kredıtterin jylyna 6 paıyzǵa deıin sýbsıdııalaý tetigi iske asyryldy" delingen habarlamada.

Mádına Ábilqasymova bıylǵy 1 qańtardan bastap barlyq mıkroqarjylyq uıymdardyń, onyń ishinde, lombardtar men onlaın-kredıtteý kompanııalarynyń qyzmetin lısenzııalaý engizilgeni týraly habarlady. Bul olardyń esep berýin, ashyqtyǵyn jáne jaýapkershiligin qamtamasyz etýge múmkindik beredi.

Memleket basshysynyń tapsyrmasy boıynsha halyqtyń boryshtyq júktemesin azaıtý jónindegi retteý sharalary qabyldandy. Sonyń arqasynda tutynýshylyq kredıttiń ósýi azaıdy. Bıyl qaryz alýshy jeke tulǵalardy ońaltý jáne kredıtter boıynsha syıaqynyń shekti mólsherlemelerin retteý tetikteri engiziledi, qaryzyn qaıtarmaıtyn adamdarǵa qatysty retteý qyzmetiniń sotqa deıingi tártibi kúsheıtiledi.

2021 jyldan bastap azamattarǵa zeınetaqy aktıvteriniń bir bóligin jeke basqarýshy kompanııalardyń basqarýyna berý, al bankterge brokerlik qyzmetterdiń tolyq spektri boıynsha qyzmet kórsetý múmkindigi berildi. Bul óz kezeginde halyqtyń ınvestısııalyq múmkindigin arttyrady. Saqtandyrý jáne qor naryǵyn odan ári damytý maqsatynda keshendi zań jobasy ázirlendi.

Qasym-Jomart Toqaev bank sektorynyń turaqtylyǵyn qamtamasyz etýge erekshe mán berdi. Agenttik tóraǵasy jekelegen bankterdiń jumysyn qaıta jandandyrý jóninde qabyldanǵan sharalar jáne AQR nátıjeleri boıynsha qadaǵalaý josparlaryn iske asyrý týraly aıtty. 2020 jyly bank júıesi boıynsha boryshkerlik deńgeıi 8,1 paıyzdan 6,8 paıyzǵa deıin tómendedi. Táýekelge baǵdarlanǵan qadaǵalaý aıasynda 2021 jyldan bastap bank sektory aktıvteriniń sapasyn baǵalaý (AQR) jáne stress-testten ótkizý qadaǵalaý prosesiniń ajyramas bóligi bolady.

Kezdesý qorytyndysy boıynsha Qasym-Jomart Toqaev agenttikke qarjylyq turaqtylyqty qamtamasyz etýdi, qarjy naryǵynyń barlyq sektorynda táýekelge baǵdarlanǵan qadaǵalaý júıesin engizýdi, qarjylyq qyzmet kórsetý barysynda tutynýshylardyń quqyqtaryn qorǵaýdy, sondaı-aq qor naryǵyn damytýdy mindettedi. Memleket basshysy daǵdarys saldarlaryn eńserý úshin ekonomıkany kredıtteýdiń mańyzdylyǵyna nazar aýdardy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir