Ár zań jobasyn talqylaǵan kezde qoǵamnyń pikiri eskerilýi kerek. Bul týraly parlament senatynyń tóraǵasy Máýlen Áshimbaev senattyń jalpy otyrysynda aıtty.

– Sessııanyń ashylýynda prezıdent Qasym-Jomart Toqaev memlekettik organdardyń aldynda turǵan negizgi maqsattarǵa toqtalyp ótti. Olardyń bári halyqtyń ómir súrý sapasyn jaqsartatyn, elimizdiń saıası jáne áleýmettik-ekonomıkalyq damýyna tyń serpin beretin bastamalar. Osyǵan baılanysty parlament pen úkimetke mańyzdy mindetter júktelip otyr. Jarııalanǵan reformalardy sapaly zańdarmen qamtamasyz etý – bizdiń basty mindetimiz. Zańdar eń aldymen ulttyq múddeni qorǵaýǵa tıis. Al ulttyq múdde degenimiz – halyq pen memlekettiń múddesi, – dedi Áshimbaev.

Senat tóraǵasynyń aıtýynsha, parlament ózekti máselelerdiń sheshimin tabatyn ortalyqqa aınalýy qajet.

– Memleket basshysy atap ótkendeı, qoǵamdy alańdatqan máseleler parlamentte talqylanýy qajet. Parlament ózekti máselelerdiń sheshimin tabatyn ortalyqqa aınalýǵa tıis. Sondyqtan elmen etene jumys isteý – asa mańyzdy. Ár zań jobasyn talqylaǵan kezde qoǵamnyń pikirin eskerýimiz kerek. Senat jumysyna qoǵamdyq uıymdar men áleýmettik toptardyń ókilderin, tıisti mamandardy keńirek tartýymyz qajet. Mundaı qadam zań shyǵarý jumysynyń jáne qabyldanyp jatqan zańdardyń tıimdiligin arttyratyny sózsiz. Aldymyzda aýqymdy mindetter tur, – dedi Máýlen Áshimbaev.

"Qamshy" silteıdi
Ilmek sózder: áshimbaev zań

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir