"ADAL" partııasynyń tóraǵasy exit poll nátıjesine pikir bildirdi

"ADAL" partııasynyń tóraǵasy Serik Sultanǵalı partııa atynan májilis pen máslıhat depýtattyǵyna usynylǵan úmitkerlerge daýys bergen saılaýshylarǵa alǵys aıtyp, ekzıtpol nátıjesi týraly oıyn bólisti.

Onyń aıtýynsha, saılaýaldy kezeńde bastalǵan jumys budan ári de jalǵasady.

–  Bul tek saılaý úshin emes, bul partııa halyqqa bergen ýádelerin qalaı oryndaý kerek, sonyń jolymen júretin partııa. Bul búgin halyqqa óte kerek partııa. Ekzıtpol degen bar, ózderińiz bilesizder. Sonyń alǵashqy analızi boıynsha "Nur Otan" partııasy birinshi orynda kele jatyr. Zań boıynsha barerden asyp ketti. Sondyqtan óz basymnan "Nur Otan" partııasyn quttyqtaýǵa bolady, –  dedi ol.

Exit poll nátıjesi boıynsha "ADAL" partııasy saılaýshylar daýsynyń 3,07 paıyzyn ıelenip, saılaýǵa qatysqan bes partııanyń ishinde sońǵy satyda tur.