07 Qańtar, 2021 Barlyq aımaqtar
О́z partııasy Tramptan teris aınaldy
Tramp Vashıngtonda prezıdent saılaýyndaǵy jeńisin «urlap aldy» dep málimdegennen keıin onyń jaqtastary Kapıtolııge basyp kirgen.
Foto: politicaldig.com
Donald Tramp jaqtastary AQSh kongressi ǵımaraty – Kapıtolııge basyp kirgennen keıin Respýblıkalyq partııadaǵy jaqtastary odan teris aınaldy.
– Bizdiń Kapıtolııge basyp kirý arqyly sender jeńiske jetpedińder. Zorlyq eshqashan jeńgen emes. Erkindik árqashan jeńis tuǵyrynda turady. Al erkindik degenimiz – Halyq úıi. Vandalızm men zorlyqqa qaramastan álem bizdiń demokratııanyń kúshi men beriktigine taǵy bir kóz jetkizdi, – dedi AQSh-tyń vıse-prezıdenti Maık Pens.
Tramp Vashıngtonda prezıdent saılaýyndaǵy jeńisi "urlandy" dep málimdegennen keıin onyń jaqtastary Kapıtolııge basyp kirgen. Tártipsizdik bastalǵannan keıin qazirgi prezıdent Donald Tramp jaqtastaryna úılerine qaıtýyn suraǵanymen saılaýdyń ádiletsiz ótkeni týraly qaıtalap, tártipsizdiktiń toqtamaýyna túrtki boldy.
Sherýshiler Kapıtolııge basyp kirmesten buryn byltyr ótken prezıdent saılaýynda sheshýshi ról oınaǵan saılaý bıýlletenderi ǵımarattan shyǵarylǵan.
Tártipsizdik kezinde bir áıel qaıtys boldy. Ǵımaratta eki jarylǵysh zat tabyldy. Kapıtolııdegi jaǵdaıdan keıin Tramptyń Respýblıkalyq partııadaǵy jaqtastary odan teris aınaldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir