28 Jeltoqsan, 2020 Áleýmet
2020 jyly bolǵan eń qorqynyshty sátter (foto)
Soǵys. Mıtıng. Jarylys.
Foto: Kollaj
2020 jyl adamzat úshin ońaıǵa soqpady. Koronavırýs, pandemııa, karantınnen bólek órt, jarylys, daǵdarys jáne t.b jaǵymsyz jaǵdaı ornady. Qamshy.kz aqparat agenttigi ótip bara jatqan jyly álemde bolǵan eleýli oqıǵalardy sholyp ótti.
Irandaǵy ushaq jarylysy
Jyl bastalysymen, ıaǵnı 3 qańtarda Iranda Kıevke bet alǵan ýkraınalyq Boeing 737-800 ushaǵy jarylyp 176 adam mert boldy. Tegeran kinálilerdi jazalaýǵa ýáde berdi.
Koronavırýs pandemııasy
Qytaıdyń Ýhan qalasynda belgisiz aýrý belgilerimen adamdar aýrýhanaǵa tolassyz túsip jatty. Aýrý Qytaıdyń basqa da qalalaryna tarady. Qytaı belgisiz vırýs týraly málimdedi. Aýrý týraly 2019 jyldyń qarasha-jeltoqsan aılarynda belgili bolǵan. Alaıda vırýs týraly lám-mım dep jaq ashýǵa qatań tyıym salyndy. Qańtardyń 20-da aýyrǵandar sany kúrt ósip, basqa elderde de vırýs juqtyrǵandardyń bar ekeni anyqtaldy. Osy ýaqytqa deıin belgisiz bolyp kelgen vırýsty COVID-19 dep ataı bastady. 20 qańtardy Dúnıejúzilik densaýlyq saqtaý uıymy (DSU) álem boıynsha koronavırýs taralǵanyn habarlady. Aqpanda birneshe elde 80 myń adam koronavırýs juqtyrtty. 11 naýryzda DSU koronavırýs pandemııasy týraly habarlady. Sońǵy málimetterge sáıkes, álemde 1.7 mıllıon adam koronavırýstan qaıtys boldy. 76 mıllıon adam koronavırýspen aýyrdy.
Beırýttaǵy jarylys
4 tamyzda Lıvan astanasy Beırýtta qoıma órtenip, sonyń saldarynan jarylys boldy. 2750 tonnaǵa jýyq amıak sılıtrasy jaryldy. Jarylysta 200 adam kóz jumdy, 7 myń adam jaraqat aldy. Qoıma janyndaǵy úıler, ǵımarattar qırap, shyǵyn kólemi 15 mıllıon dollarǵa baǵalandy. 300 myń adam baspanasynan aıyryldy.
Fransııadaǵy terror
16 qarashada Parıj mańynda mektep muǵalimi Samýel Patıdi 18 jastaǵy etnıkalyq sheshen Abdýlah Anzorov óltirip ketti. Ol tarıh muǵalimin paıǵambar Muhammed (s.ǵ.s) karıkatýrasyn oqýshylarǵa kórsetkeni úshin «jazalaýdy» uıǵarǵan. Muǵalim sabaqta karıkatýra jarııalanǵan Charlie Hebdo jýrnaly týraly, Karıkatýra jarııalanǵannan keıin redaksııaǵa jasalynǵan shabýyl týraly aıtyp bergen.
31 qarashada Lıondaǵy grek shirkeýinde belgisiz er adam 52 jastaǵy din qyzmetkerine oq atty. Fransııada 2012 jyldan beri 300 adam terakt saldarynan mert boldy.
Taýly Qarabaq qaqtyǵysy
Qyrkúıek jáne qarasha aralyǵynda Taýly Qarabah qaqtyǵysy boldy. Ázerbaıjanda ol resmı túrde Otan soǵysy dep atalady. Al Armenııada Ekinshi Arsah soǵysy dep atalady. Eki el arasyndaǵy qaqtyǵys 27 qyrkúıekte bastaldy.Ázerbaıjan 2783 sarbazynan aıyryldy. Armenııanyń 2718 sarbazy qaza tapty. 10 qarashada Taýly Qarabaq úshin soǵysty toqtatý týraly sheshim qabyldandy.
Belarýstegi kóterilis
Belarýstegi prezıdent saılaýynda Aleksandr Lýkashenko jeńiske jetkennen keıin el boıynsha mıtıngter bastaldy. Belorýs halqy prezıdent saılaýynyń ádil ótýin talap etti. Jergilikti quqyq qorǵaý organdarynyń málimetine sáıkes, 30 myń adam ustaldy.
Aýstralııadaǵy órt
Aýstralııadaǵy órt saldarynan 1 mıllıard janýar óldi. 2019 jyldyń maýsym aıynan 2020 jyldyń aqpanyna deıin jalǵasqan órtte 28 mıllıon gektar jer órtenip, 27 adam qaıtys boldy, 2 myń úı turýǵa jaramsyz bolyp qaldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir