22 Jeltoqsan, 2020 Barlyq aımaqtar
Almaty qonaq úıindegi qyzdyń ólimi: Brıtanııa azamatyna sot úkim shyǵardy
Qonaq úıdiń kamerasyna 23 jastaǵy Madına qyzy Sofııany kóterip bara jatqany túsip qalǵan.
Foto: The Sun
Almatynyń qylmystyq ister jónindegi mamandandyrylǵan aýdanaralyq soty Brıtanııa azamaty Mohammed Barakatty 20 jylǵa sottady. Ol Almatydaǵy InterContinental qonaq úıinde 1 jasar balany óltirdi dep aıyptaldy, dep habarlady The Sun.
Qonaq úıdiń kamerasyna 23 jastaǵy Madına qyzy Sofııany kóterip bara jatqany túsip qalǵan. Kýágerlerdiń aıtýynsha, Sofııanyń denesi kógergen. Ári demalmaǵan. Sofııanyń anasy qonaq úı ákimshiliginen kómek suraǵan. Qyzmetkerler jedel járdem shaqyrdy. Alaıda balany aman alyp qalý múmkindik bolmady.
InterContinental qyzmetkerleri Madına qyzdyń ólimine 41 jastaǵy kúıeýi Mohammad Barakatty aıyptaǵanyn aıtady. Madına "Ol meniń qyzymdy óltirdi. Ol ony urdy" dep birneshe ret aıqaılaǵan.
Mohammed Barakat kinásin moıyndamady. Aıtýynsha, ol qoıanshyq aýrýymen aýyrady. Qyzy Sofııa Mohammad aýrý ustaǵanda qaıtys bolǵan. Ol eshteńe esinde joq ekenin aıtady.
Mohammed Barakat Malaızııanyń AirAsia áýe kompanııasynda ushqysh retinde jumys istegen. Onyń mundaı dıagnozben qalaı jumys istegeni túsiniksiz.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir