Nur Otan Jarǵysyna praımerız týraly norma engizildi

Bıleýshi partııanyń kezekten tys XX Sezi barysynda qabyldanǵan «Nur Otan»-nyń Jarǵysyndaǵy ózgeristerdi Ádilet mınıstrligi tirkedi.

Elbasy, partııa Lıderi Nursultan Nazarbaevtyń tapsyrmasyna sáıkes Jarǵylyq qujatqa partııanyń partııaishilik saılaý – praımerız ótkizý týraly norma engizildi.

«Sezd qaýlysymen partııa Jarǵysynyń 2.4-tarmaǵy endi mynadaı mazmundaǵy tarmaqshamen tolyqtyryldy:

praımerızdi – Qazaqstan Respýblıkasy Parlamenti Májilisiniń, barlyq deńgeıdegi máslıhattardyń depýtattyǵyna kandıdat etip usynýǵa úmitkerlerdi aldyn-ala partııaishilik irikteýdi ótkizý», - delingen habarlamada.
Partııa baspasóz qyzmetiniń málimetinshe, Sezdiń qaýlysymen 2013 jyly qabyldanǵan Saıası doktrına «Nur Otan» partııasynyń Saıası tuǵyrnamasyna ózgertildi.

Partııanyń baspasóz qyzmeti habarlaǵandaı, partııa jumysyn «qaıta jandandyrýdy» eskere otyryp, Sezdiń qaýlysymen 2013 jyly qabyldanǵan Saıası doktrına «Nur Otan» partııasynyń Saıası tuǵyrnamasy bolyp ózgertildi.

Esterińizge sala keteıik, «Nur Otan» partııasynyń kezekten tys XX Sezi 25 qarashada ótip, onyń barysynda 2025 jylǵa deıingi «О́zgerister joly: ár azamatqa laıyqty ómir!» atty saılaýaldy baǵdarlama qabyldandy.

Sondaı-aq, Sezd barysynda Parlament Májilisi saılaýyna 126 kandıdattan turatyn partııalyq tizim bekitildi. Onyń ishinde 77 kandıdat partııaishilik praımerız qorytyndysy boıynsha, 49 adam ortalyq partııalyq kvota boıynsha anyqtaldy.

Alǵash ret respýblıkalyq partııaishilik saılaý formatynda ótken «Nur Otan» partııasynyń praımerızine 10 myńnan astam kandıdat qatysty. Onyń qorytyndysy boıynsha 6253 adam «Nur Otan»-nyń barlyq deńgeıdegi 216 máslıhatqa arnalǵan partııalyq tizimderine endi. Osy oraıda, partııaǵa 42 myńnan astam jańa jaqtastar qosyldy. Olardyń 1000-nan astamy partııaishilik saılaýǵa qatysyp, árbir 3-eýi «Nur Otan» partııasynyń tizimine endi.

Praımerız barysynda halyqtyń belsendi qatysýynyń arqasynda «Nur Otan» partııasynyń 216 saılaýaldy óńirlik baǵdarlamasy talqylanyp, qabyldandy. Onda azamattardyń 20 myńnan astam usynysy eskerildi.