Berdibek Saparbaevtyń "bardıýr zaýyty" bar ma?: Ákimniń ózi jaýap berdi

Jambyl oblysynyń ákimi Berdibek Saparbaev ortalyq kommýnıkasııalar qyzmetindegi onlaın-brıfıngte jýrnalısttiń "siz Jambyl oblysyna kelgennen keıin bardıýrlardy aýystyrý bastaldy. Sizde bardıýr shyǵaratyn zaýyt bar ma?" degen suraǵyna jaýap berdi.

– Bul suraq maǵan shamamen 15 jyl buryn qoıylǵan shyǵar. Shyǵys Qazaqstannan bastalyp, Jambyl oblysynda jalǵasýda. Birinshiden, men bul týraly ShQO-da aıttym, meniń zaýytym joq. Eger meniń zaýytym bolsa, men ákim bolyp jumys istemes pe edim. 

Jol, kóshe qurylysy júrip jatqanda, bardıýr bar ma, joq pa, qaraý kerek. Bul birinshi.... Ekinshi, bardıýrdyń sapasyn kórý qajet. Osydan keıin sheshim qabyldanady. Joldar salynyp jatqan kezde mindetti túrde bordıýrler jasaý qajet, – dep jaýap berdi óńir ákimi. 

Ol Tarazda keıbir merdigerler jaqsy bardıýrlerdi aýystyrǵan jaǵdaı týraly aıtty.

– Biz olardy bul úshin jazaladyq. Sebebi qalypty jol jıekterin qaıta paıdalanýǵa bolady. Men taǵy da bárine qaıta teksersin degim keledi. Mende zaýyt joq. "Almatyda Saparbaev zaýyty bar, Saparbaev barlyq jerde bardıýrdy ádeıi ózgertedi" dep jazdy. Belgilengen norma bar, osy normaǵa sáıkes jol jıekteri ózgeredi, – dep túıindedi Saparbaev.