Nur-Sultanda salyq amnıstııasynyń alǵashqy nátıjeleri belgili boldy

Nur-Sultanda 2020 jyly jarııalanǵan jeke tulǵalarǵa arnalǵan salyq amnıstııasynyń alǵashqy nátıjeleri belgili boldy. Bul týraly Nur-Sultan qalalyq ákimshiliginiń baspasóz qyzmeti habarlady. 

Ákimdiktiń "Instagramdaǵy" resmı paraqshasynda ótken tikeleı efırde qalalyq memlekettik kirister departamenti óndiristik tólemder basqarmasynyń basshysy Erlan Bakırov búginde jalpy somasy 49 mıllıon teńgege 16 myń salyq tóleýshi ​​aıyppul tóleýden bosatylǵanyn aıtty.

– Búgingi tańda Nur-Sultan qalasy boıynsha raqymshylyq bastalǵannan beri 1,1 mlrd teńgege jýyq jeke menshikke salyq somasy bar, onda ósimpul somasy 447 mln teńgege teń. Qazirgi ýaqytta ósimpul 16 myń salyq tóleýshige 49 mln teńgege esepten shyǵaryldy, – dedi Erlan Bakırov.

Spıker esepten shyǵarý tek negizgi salyq tolyq tólengen jaǵdaıda ǵana júzege asyrylatynyn atap ótti. Atap aıtqanda, raqymshylyq jergilikti múlik salyǵyna qatysty – jer salyǵy, múlik salyǵy, kólik quraldary salyǵy.

– Qazaqstan Respýblıkasy Qarjy mınıstriniń 2020 jylǵy 13 tamyzdaǵy buıryǵyna sáıkes, 2020 jyldyń 1 qańtaryna deıin eseptelgen 2019 jylǵy salyqty (jer jáne múlik) qospaǵanda, 2020 jylǵy 1 sáýirdegi jaǵdaı boıynsha qaryz boıynsha ósimpuldar (or. "penıa" – red.) esepten shyǵarylady, – dedi basqarma basshysy. 

Ol sonymen qatar ósimpuldy esepten shyǵarý 2021 jyldyń 5 qańtaryna deıin júrgiziletinin atap ótti. Raqymshylyq merzimi aıaqtalǵannan keıin salyq bereshegi bar salyq tóleýshilerge óndirip alý sharalary qoldanylady.