Túrkııa da Qarabaqqa Reseımen birge bitimgerlik kúshterin kirgizedi

Ázerbaıjan prezıdenti Ilham Alıev pen Túrkııa prezıdenti Rejep Erdoǵan telefon arqyly Qarabaqtaǵy atysty toqtatý rejımin baqylaý úshin túrik-orys bitimgerlik ortalyǵyn qurý týraly talqylady. Bul týraly ria.ru habarlady.

"Alıev pen Erdoǵan telefon arqyly sóılesti. Áńgime barysynda taraptar atysty toqtatý rejımin baqylaý úshin túrik-orys bitimgerlik ortalyǵyn qurýdy joǵary baǵalady jáne sol ortalyqtyń aımaqta turaqty beıbitshilikti qamtamasyz etýge úles qosatynyna senim bildirdi" delingen habarlamada.

Buǵan deıin qaıta qaqtyǵys bolmaýy úshin Reseıdiń bitimgerlik kúshteri eki el arasyna qoıylatyn shekaralyq dálizdi 5 jyl kúzetetindigi jaıly habarlanǵan bolatyn. Armenııa premer-mınıstri Nıkol Pashınıan Ázerbaıjan prezıdenti Ilham Álıev jáne Reseı prezıdenti Vladımır Pýtın Taýly Qarabaqta áskerı áreketterdi toqtatý týraly kelisimge qol qoıǵan. Úsh eldiń arasynda bolǵan kelisim boıynsha aýdandar Ázerbaıjanǵa qaıtarylyp, al basqynshy ásker sol aýmaqtan túgel shyǵarylady.