Qazaqstandyq qoǵamda daýlardy negizinen sot arqyly retteý keń taralǵanyn taldaý nátıjeleri kórsetip otyr. Bul azamattar men sottar úshin úlken máselege aınalýda, taraptar ýaqyty men qarajatyn joǵaltyp, sot júıesin aýyrlatady. Statıstıka boıynsha sotqa deıingi retteý úlesi 2%-dan aspaıdy. 2019 jyly 2,6 mln daýdyń 40 myńy medıasııa arqyly sheshildi. Bul týraly QR prezıdenti janyndaǵy ortalyq kommýnıkasııa qyzmeti habarlady. 

– Osyǵan baılanysty, Memleket basshysy óz Joldaýynda aıtqandaı «sottan tys» jáne «sotqa deıingi» daýlardy retteý ınstıtýttaryn damytý qajet. Bul óz kezeginde azamattar arasynda janjaldy ýshyqtyrmaı, júıke tozdyrmaı,ýaqyt pen qarjyny shyǵyndamaı jyldam sheshýge múmkindik beredi, – dedi Aqparat jáne qoǵamdyq damý mınıstri Aıda Balaeva Prezıdenttiń halyqqa Joldaýynyń negizgi qaǵıdalaryn túsindirý jónindegi baspasóz konferensııasy barysynda.

Aqparat jáne qoǵamdyq damý mınıstrligi medıasııa máselesinde AQSh, Ulybrıtanııa, Germanııa, Shveısarııa sııaqty aldyńǵy qatarly elderdiń úzdik dástúrlerine súıenýge nıetti.

Ilmek sózder: Aıda Balaeva

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir