Aqtaýǵa ushqan jolaýshy jolda Shymkentke barýym kerek dep ushaqtan sekirmek bolǵan

Almaty-Aqtaý áýereısiniń jolaýshysy bortta shý shyǵaryp, esikti ashýǵa árekettengen, dep habarlady Zakon.kz  saıty.

Basylym málimetinshe, jolaýshy FlyArystan KS 7175 reısimen Almaty-Aqtaý baǵyty boıynsha ushyp bara jatqanda shý shyǵarǵan.

"О́zge jolaýshylar men ekıpaj múshelerimen eregisip, boǵaýyz sóz aıtyp, jolaýshylardy ıterip, keıbirine qoqan-loqy kórsetken. Bortserikterdiń maska taǵyp, ornyna otyrýdy suraǵanyna qulaq aspaǵan. Almaty-Aqtaý baǵytyna bılet alǵanyna qaramastan, Shymkentke barýy kerektigin aıtyp, ushaqtyń esigin ashýǵa árekettengen. Bortserikter nusqaýlyq boıynsha, tártipsiz jolaýshyny toqtatpaq bolyp, kóndigý kıimin kıgizýge tyrysqan. Osy sátte jolaýshy baǵynǵysy kelmeı, bortserikterdiń birin býyndyrǵan. Qaıta jolaýshylar kómekke kelip, ekıpaj múshesine arasha túsip, áıeldi buzaqydan qutqaryp qalǵan" delingen aqparattyq habarlamady.

Ushaq Aqtaý áýejaıyna qonǵannan keıin shý shyǵarǵan jolaýshy polısııaǵa tapsyryldy.

Oqıǵa 24 qyrkúıekte bolǵan. Alaıda áýekompanııa bul týraly endi málimdep otyr.

Keıin anyqtalǵandaı, shý shyǵarǵan jolaýshy mas bolǵan. Oǵan qatysty ushaqta alkogoldik sýsyn ishkeni, usaq buzaqylyq jasaǵany, áýe kemesi erejesin buzǵany úshin hattama toltyrylǵan. Aıypker, jolaýshylar men ekıpaj múshelerinen keshirim suramady.

Artynsha, FlyArystan kompanııasy bortserikti buzaqydan arashalap qalǵan jolaýshylar – Nurlan Bohanov pen Manas Turabekovke áýekompanııa qyzmetteri men bıletterin satyp alýǵa múmkindik beretin vaýcher tabys etken.