14 Qazan, 2020 Áleýmet
Foto: coronavirus2020.kz
Mınıstrlik málimetinshe, 83 adamnan koronavırýs, 321 adamnan koronavırýs ınfeksııasynyń belgileri bar pnevmonııa anyqtalǵan.
Bir kúnde 143 naýqas koronavırýstan, 269 pasıent pnevmonııadan jazylyp shyqqan. 3 adam qaıtys bolǵan.
Mınıstrlik qazirgi tańda 2862 adam koronavırýs ınfeksııasynan em qabyldap jatqanyn habarlady.
"Olardyń arasynda 88 bala bar. Stasıonarlarda 2 073 naýqas jatyr. 789 adam ambýlatorııalyq jaǵdaıda emdelýde. Jalpy naýqastardyń arasynda 79 adamnyń ahýaly nashar. Sonyń ishinde 12 naýqastyń ahýaly asa qatty aýyr dep baǵalanýda. 12 naýqas ókpeni jasandy jeldetý apparatynda jatyr" delingen habarlamada.
Dúnıejúzilik densaýlyq saqtaý uıymy, shetel jáne Qazaqstan ǵalymdary koronavırýs belgileri bar pnevmonııanyń shyn máninde koronavırýs ekenin málimdegenine qaramastan, Qazaqstan bıligi koronavırýs pen pnevmonııa statıstıkasyn jeke-jeke júrgizip keledi.
Elde koronavırýs anyqtalǵan alǵashqy kúnnen búginge deıin 108 984 adam vırýs juqtyrǵan. Onyń 104 346-sy jazylyp shyqsa, 1768 adam qaıtys bolǵan.
1 tamyzdan beri júrgizilip kele jatqan pnevmonııa statıstıkasyna sáıkes, 35234 adam pnevmonııaǵa shaldyqqan. Onyń 27978-i jazylyp shyqsa, 373 adam qaıtys bolǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir