Foto: qamshy.kz
Tanymal ázilkesh Tursynbek Qabatovtyń kóligimen adam qaǵyp ketken júrgizýshisi áli jazasyn almady, dep habarlady Kókshetaý Azııa aqparat agenttigi.
"2019 jyldyń 13 qazan kúni saǵat 21:00 shamasynda Temirtaý-Nur-Astana tas jolynda 34 jastaǵy Erlan Omarqulovty kólik qaǵyp ketti. Azamat oqıǵa ornynda kóz jumǵan. Biraz ýaqyttan keıin qaza tapqan er adamnyń týystary bul kóliktiń shoý-bıznes juldyzy, ázilkesh Tursynbek Qabatovqa tıesili ekenin bildi" delingen saıttaǵy maqalada.
Maqala avtorynyń aıtýynsha, jol apatynan keıin Qabatovtyń kóligin aıdaǵan 25 jastaǵy júrgizýshisige qatysty qylmystyq is jabylyp, aıypker jazasyn almaǵan. Sondaı-aq ol oqıǵaǵa deıin júrgizýshi kýáliginsiz júrgen.
"Jalǵyz ulynan aıyrylǵan marqumnyń anasy Dajan Omarqulova halyqtyń súıikti ártisi ne sebepti áli kúnge deıin jazaǵa tartylmaǵanyn túsinbeıdi. Onyń aıtýynsha, Tursynbek Qabatov óz kóligin senip tapsyrǵan adamnyń júrgizýshi kýáliginen aıyrylǵanyn bilgen. Sondyqtan kóliktiń ıesi retinde Qabatov ta jaýapkershilikti óz moınyna alý kerek.
Júrgizýshi marqumnyń adam júrmeýge tıis jolmen júrgenin aıtady. Alaıda anasy bul aqparattyń ótirik ekenine senimdi" delingen maqalada.
Sondaı-aq marqumnyń anasy nemeresiniń ákesiz qalǵanyna áli de júregi qanjylaıtynyn, kinálilerdiń nelikten jazasyz júrgenin túsinbeıtinin jetkizdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir