О́zindik órnegi bar aıtys ónerin «Habar» telearnasynan tamashalańyz

Aıtys óneriniń ıisine shóldegen qalyń qarashanyń naǵyz  aıtyspen sýsyndaıtyn kezi keldi! Oǵan sebep, «Habar» telearnasynan dúbirli doda -  «AITYSTAR»  jobasy kórermenge jol tartýda.  Elimizdiń túkpir-túkpirinen jınalǵan jas aqyndar men azýly aıtyskerler ózara, odan soń shoý-bıznes ókilderimen  juptasyp saıysqa túsedi. Kórigi qyzǵan aıtystyń 27 qyrkúıekten bastap, «Habar» telearnasynan ár jeksenbi saıyn, saǵat 19.00-de kýágeri bola alasyz.

Aıtys - ata–babalarymyzdyń  amanaty. Bizdi biriktiretin kúsh te, birligimizdiń belgisi de ulttyq qazynamyzdyń qaımaǵyna aınalǵan,  qazaqtyń qanyna bitken kıeli óneri, salt–dástúri, ádebıeti, dini, dili ekeni sózsiz. Osyny eskere otyryp «Habar» telearnasy nazarlaryńyzǵa «AITYSTAR» dep atalatyn  tól ónerimiz – aıtystyń  jańǵyrýyna arnalǵan jańa joba usynýda. Joba aıasynda 36 aıtysker, 12 estrada juldyzdary bir-birimen juptasyp, aıtysý úshin ashyq alańǵa shyǵady.

         Aıtys alańyna shyqqan juptardyń ónerin qazylar alqasy men zalda otyrǵan kórermender baǵalaı alady. Ádilqazylar alqasynyń quramyn  aıtys óneriniń altyn dińgegine aınalǵan Balǵynbek Imash bastap, estrada juldyzy Janar Aıjanova men Nur-Sultan qalasynyń Memlekettik mýzykalyq balalar men jasóspirimder teatrynyń dırektory Ashat Maemırov tolyqtyrdy. 
         Jas talanttardy kóptiń aldyna shyǵarýǵa, esimderin tanytýǵa sebepker bolǵan bul jobanyń basty maqsaty - «bulaq kórseń kózin ash» deıtin dana halqymyzdyń sózimen ushtasyp jatyr. Respýblıkamyzdyń túkpir túkipirinen 24 jas aqyndy aldyryp, ony iriktep 12-sin qaldyryp, olardy  burynnan aıtysyp júrgen 12 tis qaqqan, saqa aqyndarǵa qosyp, 24 aqyndardy iriktep, iriktep, ishinen 12-sin shyǵaryp ónerdegi  tanymal juldyzdarmen juptastyryp, bir-birimen aıtystyrý arqyly, birneshe kezeń-kezeńge bólip osyndaı bir jobany qolǵa alǵan «Habar» arnasyna alǵysym sheksiz. О́ıtkeni burynǵydaı aıtysqa munshalyqty uzaq ýaqyt úlken efırler berilmeı jatqan tusta, pandemııa men karantınnyń kezinde tól ónermen sýsyndap qalǵan halyqty bir qýantsa, ekinshiden tanymal aqyndar emes, jas ónerpazdardy jaryqqa shyǵarýǵa óte úlken sebepker bolǵan joba. Sondyqtan da ózim qoldap, ortasynda júrmin. Osy jobanyń arasynda bolǵanyma óte qýanyshtymyn»,-dedi  «AITYSTAR» jobasynyń tóreshiler tizginindegi belgili aıtysker aqyn Balǵynbek Imash.            

Eske sala keteıik, «AITYSTAR»  jobasynyń mejeli máresine jetken aıtysker aqyndarǵa jup bolyp, jobanyń ortasynda qosylatyn estrada juldyzdary dombyranyń qulaǵynda oınaıtyn, aıtys alańynda buryn-sońdy baq synap kórgen tanymal tulǵalar. Olar: Qurmanaı Bahtııarqyzy, Aqbota Kerimbekova, Jazıra Baıyrbekova, Ǵazızhan Shekerbekov, Baǵlan Abdraıymov,Ushqyn Jamalbek, Ábdijapar  Álqoja, Erkin Nurjanov t.b. 12 tanymal aqyndardan: Muradym Mırlanov, Nurlybek Meıirmanov, Birjan Baıtý, Álibek Serǵalıev, Áset Dúısebaev, Maqsat Ahanov, Syrym Áýezhan, Danııar Aldabergen, Aslan Ǵafýrov, Toba О́tepbaev, Bek Shymat,Baqytjan Qasym men taǵy 24 jas aqyndar bar. Jobanyń tizginin ustaýshy  júrgizýshileri - Aıgúl Imanbaeva men Jandarbek Bulǵaqov.

         Yqylym zamannan beri saıyn dalany terbetken  tól aıtystyń tógilgendigin  kóremin deseńiz,  27 qyrkúıekten bastap,  ár jeksenbi saıyn keshki saǵat 19.00-de «Habar» telearnasynan  «AITYSTAR» jobasyn tamashalańyz.