16 Qyrkúıek, 2020 NEWS

Alashtanýshy ǵalym Sultan Han Aqquly Júsip «Aq jol» partııasyna qabyldandy

Foto: Feısbýktaǵy paraqshasynan alyndy

Alashtanýshy ǵalym Sultan Han Aqquly Júsiptiń ótinishi fraksııanyń osy otyrysynda beınekonfererensııaǵa qatysyp otyrǵan “Aq joldyń” barlyq fılıaldarynyń ókilderiniń qatysýymen daýysqa salyndy. S.A. Júsiptiń aryzy biraýyzdan maquldanyp, partııa qataryna qabyldandy.

"MEN «AQ JOL» PARTIIаSYNA QABYLDANDYM – Sultan Han Júsip

Búginde «Alashty» “Aq joldan” artyq nasıhattaǵan partııa bar ma!?!. Al ısi qazaqqa “Alashtan” asqan ıdeıa tabyla ma!?!
 
Men búginnen bastap «Aq jol» Demokratııalyq partııasynyń múshesimin.
Búgin, 2020 jyly 14 qyrkúıekte «Aq jol» DP-nyń parlamenttik fraksııasynyń kezekti otyrysynda Májilis depýtattary, partııanyń oblystyq fılıaldarynyń ókilderi meniń qabyldanýymdy biraýyzdan maquldady.
 
Shyny kerek, bul sheshim ońaı bolǵan joq. Elge oralǵan 2013 jyldan beri 7 jyl ótti. Áıtse de «Aq jol» DP-syna kirýime bul saıası uıymnyń ózin qazirgi Qazaq eliniń myzǵymas irgetasyn qalap, shekarasyn belgilep ketken HH ǵasyr basyndaǵy «Alash» partııasynyń murageri dep sóz júzinde ǵana emes, jetekshisi, 1938 jylǵy qandy repressııada Alash ustanymy úshin qurban bolǵan «Alash» qaıratkeri Perýash Kárimulynyń nemeresi Azat Perýashev bastaǵan partııanyń «Alash» ıdeıasyn, qozǵalysyn, partııasyn, ataýlas Ulttyq Jerli Avtonomııasyn jáne «Alash» qaıratkerlerin tııanaqty is-áreketimen, qazaqsha-oryssha maqala-jarııalanymdarymen, ulttyq, halyqaralyq ǵylymı baıqaýlarymen, ǵylymı konferensııalarymen múmkindiginshe shartarapqa nasıhattap kele jatqan ıgi isi túrtki boldy. Búgin «Alash» taqyrybyn «Aq jol»-dan artyq nasıhattaǵan partııa bar ma?!. Al ısi qazaqqa «Alash»-tan asqan ıdeıa tabyla ma?!
 
Bir danyshpannan «oń ózgeristerdi uzaq kútý kerek pe?» dep surapty. Sonda danyshpan: – Eger qol qýsyryp kútseń, ııa, uzaq! – dep jaýap beripti. Uzaq kútýge zaman tarylyp barady. Ǵylymnan bas tartpaı, amalsyz bolsa da saıasatqa aralasqanymda meniń basshylyqqa alatynym Alty Alash kósemi
 
Álıhan Bókeıhannyń myna ósıet sózderi bolmaq:
 
– Bul zamanda jylap muratqa jetemin deý ash túıeniń kúıseýi bolady;
– Bóten kisi qazaqqa eshqaıdan jaqsylyq ákelip bermeıdi. О́z kúshine, óz qýatyna senbegen adam da, halyq ta ǵumyr júzinde báıge almaıdy. Bireýge telmirgen adamnan, halyqtan qosaq túrtken jetim laq baqytty;
– Saıasat isi birlikpen ornyna barady… Bul úlgili saıasat jolynda jurt adamyna bilim-taǵlym jol kórsetetin is, buǵan qazaq jigiti kirse, saıasat jolynan tálim alady, kúnderdiń kúninde qazaq jurtyna kerek bolatyn is atqarady;
– Bizde birlik bolyp, is qyla biletin sheber tabylsa, Alashtyń balasy baqyt jolyna tústi. Keıingi úrim-butaq ne alǵys, ne qarǵys bere júretin aldymyzda zor sharttar bar. Osyny ańǵar, jurtym qazaq!
– Jurt isin tús kórmeı, oıaý júrip izdeý maqsat.
Sultan Han JÚSIP,
«Alash» mádenıet jáne rýhanı damý ınstıtýtynyń dırektory, alashtanýshy ǵalym, fılologııa ǵylymy kandıdaty" dep jazdy jelidegi jazbasynda.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir