almaty_akimat
Almaty ákimi Baqytjan Saǵyntaev birinshi synypqa baratyndardy oqytýǵa pedagogıkalyq joǵary oqý oryndarynyń túlekteri tartylady degen aqparatqa túsinikteme berdi.
Almatynyń bilim salasy qyzmetkerleriniń «Almatynyń bilim bolashaǵy: jańa jaǵdaıdaǵy perspektıvalyq sheshimder» forýmynda B. Saǵyntaev kezekshi toptardaǵy 1-2 synyp oqýshylarmen tájirıbeli muǵalimderdiń jumys jasaıtyndyǵyn atap ótti.
«Birinshi synyp oqýshylarynyń ata-analary joǵary oqý oryndarynyń tájirıbesiz túlekteri nemese sońǵy kýrs stýdentteri sabaq beredi eken dep alańdaýshylyq bildirýde. Buǵan jol berilmeıdi. Mektep tabaldyryǵyn jańadan attaǵan balalarmen tájirıbeli muǵalimder jumys jasaıtyn bolady. Esh kúdiktenbeńizder. Bilim basqarmasyna tıisti tapsyrmalar beremin», — dedi Almaty ákimi Baqytjan Saǵyntaev.
Forýmda jańa jaǵdaıda oqý prosessin uıymdastyrý máseleleri talqylanýda. Onyń ishinde kezekshi toptarda sanıtarlyq qaýipsizdikti saqtaý, qashyqtan oqytýdy uıymdastyrý, pedagogtar men muqtaj oqýshylardy kompıýterlik tehnıkamen jáne ınternetpen qamtamasyz etý máseleleri. Sonymen qatar, bala baqshalar men mektepterde orynmen qamtamasyz etýdiń ózekti máseleleri de talqylanýda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir