18 Tamyz, 2020 NEWS

Almatyda meshitke barýda qoıylǵan shekteýdiń uzartylǵany týraly eske saldy

almaty_akimat

Almatyda meshitke barýda qoıylǵan shekteýdiń uzartylǵany týraly eske saldy. Bul týraly óńirlik kommýnıkasııalar qyzmetiniń alańynda onlaın-brıfıng barysynda Almaty qalasynyń Ortalyq meshitiniń naıb ımamy Ermek Kókirekbaev habarlady.

Memlekettik komıssııa otyrysynda karantın sharalaryn kezeńimen alý qaraldy. Sonyń ishinde, dinı uıymdardyń áli de tyıym salynǵan nysandar tiziminde ekeni anyqtaldy. Meshitter elde TJ jaǵdaıy alynyp tastalǵannan keıingi az ýaqyttan keıin osy kezge deıin kelýshiler úshin jabyq.

Osyǵan baılanysty Qazaqstannyń Bas múftıi ınfeksııalyq aýrýlarǵa qarsy memleket qabyldaǵan sharalardyń bári adamzatty qutqarýǵa baǵyttalǵanyn musylmandardyń esterine salǵan bolatyn. Ol ýaqytsha shekteýge túsinistikpen jáne tózimdilikpen qaraýǵa shaqyrdy.

«Meshitterdi kezeńimen, sáıkesinshe árbir kelýshi úshin tórt sharshy metrden kem bolmaıtyndaı etip bólý, kelýshiler sanyn 30%-dan asyrmaý talabyn saqtaý jáne kelýshilerge barlyq qajetti epıdemııalyq sharalardy ótkizgennen keıin baryp ashý usynylyp otyr», — dedi Ermek Kókirekbaev.

Mamyr aıynyń basynda eldegi epıdemıologılyq jaǵdaı jaqsara bastaǵanyn eske salamyz. QMDB meshitterdi qaıta asha bastady. Alaıda ol uzaqqa barmady. Epııademııanyń kúsheıýine baılanysty meshitterge esikterin jabýǵa týra keldi. Sebebi ınfeksııa juqtyrǵandar men qaıtys bolǵandar sany birden kóbeıip ketti. Meshitterdiń adamdar kóp jınalatyn oryn bolǵanyna baılanysty, QMDB meshitter qyzmetine ýaqytsha shekteý engizýge májbúr boldy. Bul sheshim tek bizdiń elimizde ǵana emes, basqa da musylman elderinde qabyldandy.

Soǵan qaramastan, meshitterdi birtindep ashý usynysy talqylaý kezeńinde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir