• USD 468.56

  • EUR 497.56

  • RUB 7.3

  • CNY 67.18

28 Naýryz, 13:51:20
Almaty
+35°

«Habar» telearnasynda jańa maýsym qarsańynda jańa joba! Kógildir ekrannan kórermenge jýyrda jol tartqan «QALAMAIMYN» jobasy – elimizdegi qazaqy naqyshtaǵy tuńǵysh tok-shoý. Joba aıasynda otaý quryp, otbasylyq ómirge aıaq basqaly turǵan 12 juptyń qudalasyp, qudandasýy júzege asady. Atalmysh jobany dúısenbi-juma kúnderi aralyǵynda «Habar» telearnasynan tamashalaı alasyzdar.

Jobaǵa Qazaqstan Respýblıkasynyń Prezıdenti – Qasym-Jomart Kemeluly Toqaevtyń: «Televızııalyq jáne radıo habarlarynyń sapasyn arttyrý qajet. Arzan oıyn-kúlkiden góri, ulttyq ıdeıaǵa qyzmet etetin topyraǵymyzdan tamyr alǵan tól baǵdarlamalardy molaıtý qajet..»,-degen sózderi men usynysynynyń negiz bolǵanyn tok-shoý uıymdastyrýshylary tilge tıek etedi. Sondaı-aq, jobanyń basty maqsaty – memleket basshysynyń toı-dýmanǵa qatysty úndeýin halyqqa durys jetkizý. Ulttyq qundylyqtardy ulyqtaı otyryp, qazaqy qýanyshty tól dástúr jolymen ótkizý. Daraqylyqtan tyıyp, burmalanǵan salt-sanany túzetý, úlkender men jas býynnyń arasyna dáneker bolý.

«Qalamaimyn» realıtı-shoýy Qazaqstannyń túkpir-túkpirinen kelgen 12 jup arqyly toı-dýmannyń jańa formýlasyn usynýǵa tyrysady. Iаǵnı, baqtalassyz, ataq-qurmetke degen talas-tartyssyz qos ǵashyqtyń shańyraq qurýyna at salysady. Aıta ketetin bir jáıt, jobaǵa qatysýshy shynaıy 12 jup bir-birine daýys beretin bolady, nátıjesinde jeńiske jetken jupqa eńseli elordamyz Nur-sultan qalasynan baspananyń kilti tabystalady. Tok-shoýdyń stýdııasynda eki eldiń úlkenderi etene tanysyp, áńgime-dúken quryp, tós qaǵystyratyn bolady. «Qalamaimyn» jobasynyń alańy – búgingi tańda karantınniń kesirinen quda bolyp qyzdyń jaǵyna túsip bara almaı qalǵan qyz ben jigittiń ata-analyrynyń tanysatyn, qudalardyń qaýyshyp, resmı túrde zańdy «quda, qudaǵı» laýazymyna ıe bolatyn qudalyqtyń naǵyz tóri.

Ejelgi zamannan ultymyzdyń ulyqtaıtyn salt-dástúri men ádep-ǵurpyna sýsyndap, qudalyqtyń qyzyǵyna kýá bolamyn deseńiz, dúısenbi-juma kúnderi aralyǵynda, saǵat 17.00-de «Habar» telearnasyn qosyńyzdar. Kórigi qyzǵan qudalyqtyń qurmetti de turaqty kórermenine aınalýǵa shaqyramyz.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir