Búgin QR Aqparat jáne qoǵamdyq damý mınıstri A.Balaevanyń qatysýymen zııaly qaýym ókilderi Memleket basshysy Qasym-Jomart Toqaevtyń Joldaýyn talqylady

Dóńgelek ústel otyrysyna  Qazaqstan Respýblıkasy Parlament Májilis depýtattary Darhan Myńbaı, Káribaı Musyrman, «Egemen Qazaqstan» RG» AQ basqarma tóraǵasy Darhan Qydyráli, jýrnalıstıka ardagerleri Namazaly Omashuly, aqyn-jazýshylar Nesipbek Aıtuly, Qaraǵyzuly Baýyrjan, Dáýletkereı Kápuly, Ońaıgúl Turjan, Roza Muqanova, saıasattanýshy Quanyshev Japsarbaı, tarıhshy Aıaǵan Búrkitbaı, Evrazııalyq ulttyq ýnıversıtetiniń rektory E. Sydykov, «QazAqparat» HAA» AQ basqarma tóraǵasy Asqar Ýmarov, «Aıqyn» gazetiniń bas redaktory Nurmuhamed Baıǵara 
qatysty.

Sonymen qatar Zoom konferensııasy arqyly Qazaqstan Jazýshylar odaǵynyń oblystyq fılıaldarynyń basshylary, oblystyq gazetiniń bas redaktorlary atalmysh sharaǵa qatysty.

Aqparat jáne qoǵamdyq damý mınıstri Aıda Balaeva 11 baǵyttan turatyn Joldaýdaǵy eń basty baǵyt eldiń ál-aýqatyn jaqsartý ekenin,  sondaı-aq kezekti Joldaý el damýyna jańa serpin beretinin aıtyp ótti.

"Joldaý aıasynda uıymdastyrylatyn sharalardyń barlyǵy da qarapaıym halyqtyń erteńi úshin. Indet bastalǵaly elimizdiń salt-dástúrinde túrli ózgerister bolyp jatty. Onyń jaqsy tustary da, jaman tustary da bar. Eń jaqsy tusy - biz osynaý qıyn-qystaý zamanda bir ult bolyp qalyptasqanymyzdy kórsettik. Qaırymdylyq, bir-birimizge degen baýyrmaldyq, jomarttyq degen úlken qasıetterimizdi tanyta bildik» – dedi Aıda Balaeva.

Jıyn barysynda sóz alǵan Májilis depýtaty Darhan Qamzabekuly ár Joldaý reformalardy júzege asyrý úshin jasalatynyn atap ótti.

«Prezıdenttiń kezekti Joldaýynda sabaqtastyq bar. О́ıtkeni Memleket basshysy Qasym-Jomart Toqaev osydan 5 jyl buryn Elbasy kótergen máselelerdiń kópshiligin ári qaraı júzege asyrýdyń joldaryn usyndy. Prezıdent Joldaýda "kesh qabyldanǵan sheshimniń ózi jaı ǵana zııan emes, ol ulttyq qaýipsizdigimizge qater tóndiredi" dedi. Bizdiń búgingi jıyn da óte der kezinde jasalyp otyr. Ár depýtattyń tıimdiligi bolýy kerek. Sonda ǵana jaqsy sapaly zańdar bolady» - dedi ol.

Jıynnan soń Aıda Balaeva «Egemen Qazaqstan» gazetiniń tilshilerimen kezdesti. Basylymnyń atqaryp jatqan jumysyna oń baǵa bergen mınıstr ujymǵa mınıstrliktiń atynan avtokólik syıǵa tartty. 

@aqparatqogam