20 Tamyz, 2020 Minber

"Nur Otan" praımerızi. Partııa jumysyn qaıta jandandyrý endi ǵana bastaldy – Baýyrjan Baıbek

Baýyrjan Baıbek otandyq birqatar saıasattanýshylar, sarapshylar, qoǵam qaıratkerleri jáne basqa da belsendi qazaqstandyqtar qurǵan «Nur Otan» partııasy Jaqtastarynyń lıgasymen kezdesti. Kezdesý barysynda táýelsiz birlestikterdiń, onyń ishinde óńirlerden kelgen 50-den astam ókili óz suraqtaryn qoıyp, «Nur Otan» partııasynyń praımerızin uıymdastyrý boıynsha usynystaryn ortaǵa saldy.

UQSK-niń múshesi, Eýrazııalyq ıntegrasııa ınstıtýtynyń basshysy Erlan Saırovtyń aıtýynsha, búginde búkil álemde adamdardyń túrli saıası ınstıtýttarǵa degen senimi tómendep ketken. «Nur Otan» jańa jáne belsendi adamdarǵa arnalǵan partııalyq «áleýmettik lıfttiń» naqty tetigin iske qosý arqyly óziniń halyqtyq partııa ekenin kórsetip otyr.

«Nur Otan» praımerızi – bul jalpy eldiń saıası júıesin ózgertýdegi mańyzdy qadam ekenine senimdi bolǵandyqtan da, biz birigýdi jón kórdik. Partııanyń Jaqtastar lıgasy praımerızdiń ashyq jáne adal ótkizilýine qoǵamdyq baqylaý jasaıdy. Búkil el oń ózgeristerge múddeli», - dedi ol.

О́z kezeginde Baýyrjan Baıbek praımerız Elbasy, Partııa Lıderi Nursultan Nazarbaevtyń bastamasymen qolǵa alynǵan partııa jumysyn «qaıta jandandyrý» baǵdarlamasynyń negizgi kezeńderiniń biri jáne Memleket Basshysy Qasym-Jomart Toqaev jarııalaǵan «Halyq únine qulaq asatyn meleket» tujyrymdamasynyń naqty iske asyrylýy ekenin eske saldy.

 «Biz partııaǵa praımerız arqyly túıitkildi máselelerdi ashyq aıtyp, ony sheshý joldaryn usyna alatyn qoǵamnyń senimi men qoldaýyna ıe bolǵan bedeldi, adal jáne kópshil adamdardyń kelgenin qalaımyz. Árbir oryn úshin básekeli kúres kútip tur. Sondyqtan kandıdattar óńirdi, aýdandy, aýyldy damytý týraly kózqarasyn usynyp, ózine daýys berýge sendirýi qajet. «Praımerız» aqparattyq júıesi onlaın rejıminde úgit-nasıhat júrgizýge jáne daýys berýge múmkindik beredi. Adamdar bir ret qana basý arqyly saıası proseske qatysa alady», - dep atap ótti partııa Tóraǵasynyń birinshi orynbasary.

Qaraǵandydan kelgen qoǵam qaıratkeri Álııa Sadyrbaeva «Nur Otan» praımerızi buǵan deıin oǵan kúmánmen qaraǵan belsendi azamattardy partııa qataryna tartýǵa múmkindik beretinin aıtty.

«Meniń qyzmetim qoǵamdyq jumyspen, túrli sanattaǵy adamdarǵa kómek kórsetýmen baılanysty. 2016 jyly adamdardyń túıitkildi máselelerin tıimdi sheshýge múmkindik beredi degen úmitpen partııa qataryna qosyldym. Biraq formalızmdi, syrǵyta salýdy, nátıjesi joq is-sharalardy kórgennen keıin men partııa qatarynan shyǵýǵa sheshim qabyldadym. Biraq qazir «Nur Otan» shynymen ózgerip jatqanyn kórip otyrmyn. Áıelder men jastar úshin jaǵdaı jasalýda. Sondyqtan praımerızge qatysýǵa ótinish berdim. О́zimdi mysalǵa keltire otyryp, sybaılas jemqorlyqtan sharshap, áleýmettik ádiletsizdikten kóńili qalǵan adamdarǵa qarapaıym adam úshin depýtat bolý jáne bir nárseni ózgertý múmkin ekenin kórsetkim keledi», - dedi Álııa Sadyrbaeva.

Kezdesý barysynda óńirlerden kelgen qatysýshylar praımerızge qatysýshylarǵa qysym jasaý jáne kedergi keltirýi múmkindigi máselesin qozǵady.

«Eger úmitkerlerge kedergi jasaǵan nemese burmalaý faktilerin anyqtasaq, onda biz sol ýchaskedegi nátıjelerdi joıyp, tıisti uıymdastyrý sharalaryn qoldanamyz. Ol úshin arnaıy jedel jeli qurdyq, baıqaýshylar bolady. Eń bastysy, qysym kórsetý faktisin boldyrmaý úshin daýys berý qupııa ótedi. Kóbinese aýyldyq jerlerde, shalǵaı aýdandarda adamdar túıitkildi máselelerdi ashyq aıtpaıdy. О́ıtkeni, olar sol máseleni sheshý úshin qandaı da bir is-áreket jasalatynyna senbeıdi. Praımerız jaǵdaıdy túbegeıli ózgertetini anyq. Bul – elektiń bir túri, shyn kóshbasshylardy, ózi turatyn óńirdi óte jaqsy biletin, naǵyz óz isiniń bilgirlerin anyqtaıtyn tıimdi tetik. Depýtat bolǵannan keıin, ol partııanyń saılaýaldy baǵdarlamasynyń oryndalýyn naqty qadaǵalap, elektoratpen baılanysyn úzbeýi kerek. Áıtpese, onyń ornyna basqa bireý keledi», - dep atap ótti Baýyrjan Baıbek.

Beınekonferensııa barysynda saıasattanýshy Marat Shıbýtov Almatyda praımerızge qoǵam úlken qyzyǵýshylyq tanytyp otyrǵanyn atap ótti.

 «Nur Otan»-nyń keıbir qarsylastary bıleýshi partııa belsendilerdi óz qataryna qosyp alýdy kózdeıdi degen jeleýmen adamdardy praımerızdi elemeýge úgitteýde. Biraq biz mundaı úgittiń kerisinshe áser etetinin kórip otyrmyz. О́ıtkeni bul – saılanýshy organdarǵa kirýdiń naqty múmkindigi ekenin bári túsinedi. Almatyda tirkeý bastalǵan  bir-eki kún ishinde bir orynǵa eki adamnan talasýda. Al olardyń  38%-y áıelder. Iаǵnı, kvota áıelderdi saıası prosesterge tartýdyń pármendi tetigi bolyp tur», - dedi Marat Shıbýtov.

Kezdesý sońynda Baýyrjan Baıbek partııa Lıderi Nursultan Nazarbaevtyń partııaishilik irikteýge erekshe mán berip otyrǵanyn atap ótti. Partııa Tóraǵasy praımerızdiń bastalýyna baılanysty arnaıy úndeý joldady. 

«Partııa jumysyn qaıta jandandyrý praımerızben aıaqtalmaıdy. Ol endi ǵana bastalady. О́zderińizge málim, eger buryn partııa saılaýǵa jalpy respýblıkalyq bir saılaýaldy baǵdarlamamen baratyn bolsa, qazir Elbasynyń tapsyrmasyna sáıkes biz 216 óńirlik saılaýaldy baǵdarlamanyń jobalaryn ázirledik. Partııa Tóraǵasynyń tapsyrmasy boıynsha olardy jarııalap, kraýdsorsıng ádisin qoldanýdy josparlap otyrmyz. Usynystarǵa, syndarly synǵa ashyqpyz jáne qoǵamnyń júıelik ózgeristerge degen suranystaryna jaýap berýge ázirmiz», - dedi «Nur Otan» partııasy Tóraǵasynyń birinshi orynbasary.

Banner

Pikir qaldyrý

pikir