Qaı elder koronavırýs vaksınasyn daıyndaýdyń sońǵy kezeńinde?

Zertteýshilerdiń 140-tan astam toby qaýipsiz jáne tıimdi koronavırýstyq vaksınany ázirleý úshin jarysýda.

DDSU aqparaty boıynsha, qazirge deıin 7 ınstıtýt vaksınany synaýdyń sońǵy kezeńine jetti.

Sońǵy kezeńge jetken vaksınalardy daıyndaǵan elder qatarynda Qytaı (4 ınstıtýt), AQSh (1 ınstıtýt), Ulybrıtanııa (1 ınstıtýt) jáne Avstralııa (1 ınstıtýt) bar.

Vaksınalar ádette birneshe jyldar boıy synaqtan ótkizýdi jáne aýqymdy mólsherde shyǵarýǵa qosymsha ýaqytty qajet etedi, biraq ǵalymdar koronavırýstyq vaksınany 12-18 aı ishinde daıyn bolady dep úmittenedi.

Aqparatqa sáıkes, adamdarǵa synaqqa áli jetpegen 139 túrli vaksına, birinshi kezeńde 25 vaksına, ekinshi kezeńde 17 vaksına, úshinshi kezeńde 7 vaksına synalyp jatyr.

Reseıdiń vaksınasy

Dúnıejúzilik densaýlyq saqtaý uıymy (DDSU) Reseıdiń koronavırýstyq vaksınasynanan saq bolýǵa shaqyrdy. DDSU málimetinshe, Reseı vaksınasy basqalardan edáýir artta qalǵan. 

Reseı qazan aıynda jappaı vaksınasııany bastaýdy josparlap otyr. Reseı testten ótkizip jatqan COVID-19 vaksınasy álemde ázirlenip jatqan 140 yqtımal vaksınanyń qataryna jatady.

Biraq DDSU odan saq bolýǵa shaqyryp, osy ýaqytqa deıin Reseıde ekinshi nemese úshinshi kezeń synaqtary tirkelmegenin aıtqan.

DDSU jarııalaǵan qujatta Máskeýdegi Gamaleıa ǵylymı-zertteý ınstıtýty oılap tapqan qondyrǵy basqa perspektıvaly dári-dármekterden edáýir artta qalyp, birinshi kezeń synaqtarynda turǵandyǵy kórsetilgen.

The Telegraph Ulybrıtanııa Reseı vaksınasynan bas tartýy múmkin ekenin habarlaǵan.

Buǵan deıin Qazaqtan úkimetiniń basshysy Asqar Mamın Reseı vaksınasyn Qazaqstan alǵashqylardyń biri bolyp alǵysy keletinin málimdegen.

Aıta keteıik, DDSU koronavırýs vakınasyn daıyndaýdyń sońǵy kezeńinde turǵan elderdi de jarııalaǵan.