Jaqsylyq Úshkempirovtiń denesi jer qoınyna tapsyryldy

Búgin Qazaqstannyń grek-rım kúresinen tuńǵysh Olımpıada chempıony Jaqsylyq Úshkempirovti sońǵy saparǵa shyǵaryp salý rásimi ótip, Almatydaǵy Keńsaı zıratyna jerlendi. Bul týraly Qazaqstan prezıdentiniń baspasóz hatshysy Berik Ýálı habarlady.

"Búgin asa kórnekti memleket jáne qoǵam qaıratkeri, Qazaqstannyń Eńbek Eri, Olımpıada chempıony Jaqsylyq aǵa Úshkempirovty aqtyq saparǵa attandyrdyq. Keńsaıǵa qoıyldy. 

Aty jaman dert talaı asylymyzdan aıyrdy. Endigi qalǵan jurtqa Alla amandyq berse eken.
Máńgilik mekeninde boz tóbe bolyp qaldy qaıran er! Baqul bolyńyz, Jaqsylyq aǵa!" dep jazdy ol áleýmettik jelidegi paraqshasynda.