Praımerız "Nur Otan" partııasynyń saıası quraly ǵana emes, rýhanı damýdyń kepili bolý kerek – Berik Kádiruly

"Uly dala akademııasy" qoǵamdyq qorynyń dırektory Berik Qadyrov praımerız arqyly Qazaqstanda tálimgerler mektebin qurý kerek deıdi. Mundaı pikirin ol "Nur Otan" partııasy jaqtastarynyń lıgasy ótkizgen onlaın-konferensııada aıtty.

Saıasattanýshylar men qoǵam belsendileriniń konferensııasyna Shyǵys Qazaqstan oblysy О́skemen qalasynan qatysqan Berik Qadyrov bul saıası naýqan tutastaı eldi jaqsy jaqqa bastaýy úshin, árbir adamnyń boıyna ózgeris ákelý kerek deıdi.

– Praımerız Qazaqstannyń saıası ómirin ózgertip qoımaı, ózge de salalarǵa jańa lep ákelýi tıis. Elimizge kemi bir tálimgerler mektebi kerek bolyp tur. Sondyqtan, praımerız "Nur Otan" partııasynyń ǵana saıası dúnıesi bolmaı, úlken men kishiniń arasyndaǵy saıası tálimgerlik mektep bolýy kerek, – deıdi ol.

Basqarýǵa belsendi ári bilimdi jastar kelý úshin eń aldymen senzýrany joıyp, olardyń erkin oı aıtýyna múmkindik berý kerek deıdi Berik Kádiruly.

Sondaı-aq ol bolashaq depýtattardy ádil bolýǵa, ótirik baıandama jasap, jalǵan sóılemeýge shaqyrdy.

– Jastarǵa ótirik baıandama jasaýdy, jalpy ótirik aıtýdy úıretip ketken kezeńder boldy. Ondaı kezeń meniń de basymnan ótkennen keıin aıtyp otyrmyn. Jastardyń erkin oılap, oıyn ashyq jetkizýine de kedergi keltirýge bolmaıdy. Keıde bir jıyndarda myqty jastardy kórip qalamyz da, keıin joǵaltyp alamyz. Surastyrsań, "úlkender tyıyp tastady" dep jatady. Mundaıǵa jol bermeýimiz kerek, – deıdi ol.