22 Shilde, 2020 NEWS

Májilis depýtattary Shymkent qalasynda koronavırýspen kúres sharalarynyń tıimdiligine baǵa berdi

Foto: Májilistiń baspasóz qyzmeti

Májilis depýtattary aımaqtarda qoǵamdyq baqylaý aıasynda koronavırýs indetimen kúres boıynsha qabyldanǵan sharalardyń tıimdiligine erekshe nazar aýdarýda.

Májilis depýtattary Ýálıhan Qaınazarov, Sáken Qanybekov jáne Mansurhan Mahambetov Shymkent qalasyndaǵy medısınalyq mekemege, ıaǵnı 16 maýsymnan bastap 30 oryndyq provızorlyq bólimge aınalǵan kardıologııalyq ortalyqqa bardy.

Bul jerde koronavırýs jáne pnevmonııa dıagnozy qoıylǵan jáne aýyr júrek-qan tamyrlary aýrýlary bar emdelýshilerge qajetti kómek kórsetileýde. Bólimde jasandy tynys alý apparaty tıimsiz bolyp, erekshe aýyr jaǵdaılarda qoldanylatyn EKMO tehnologııasyn (ekstrakorporaldy membrana ottegimen) paıdalaný múmkindigi bar.

a

Ýaqytsha bólimniń jumysy barysynda eki jaqty aýyr pnevmonııa jáne koronavırýstyq ınfeksııamen baılanysty júrek-qan tamyrlary asqynýlary bar 126 emdelýshi saýyǵyp shyqqan.

Medısına qyzmetkerlerimen áńgimelesý barysynda Májilis depýtattary provızorlyq bólim qyzmetkerleri jeke qorǵanys quraldarymen jáne kúnine úsh ret tamaqtanýmen qamtamasyz etilgenine kóz jetkizdi. 

Sonymen qatar, dárigerler kótergen problemalyq máselelerdiń biri – qosymsha jasandy tynys alý apparattary, monıtorlar jáne perfýzerlerge qajettilik bar. Al, ottegi qajettiligin qamamasyz etý úshin, ottegi stansııasyn salý qajettiligi týraly da másele kóterildi. Atalǵan stansııany ornatýǵa qarajat tabý qala ákimdiginiń aldyna qoıyldy.

Sondaı-aq, qazirgi ýaqytta kardıo ortalyqta josparly ota jasaý múmkin emestigi sııaqty problemalarǵa (koronografııa jáne júrek tamyrlaryn stentteý jáne t.b.) erekshe nazar aýdaryldy. О́ıtkeni, kardıologııalyq ortalyqqa tek Shymkent qalasynyń turǵyndary ǵana emes, sonymen birge Túrkistan oblysynyń turǵyndary júginedi.

Májilis depýtattay dárihanalar men dárihana qoımalaryna baryp, jaǵdaıdy turaqtandyrý boıynsha qabyldanǵan sharalardyń nátıjelerimen tanysty. Aıta ketý kerek, dárilik zattardy ákelý tártibin jeńildetý dárihanalardy qajetti dári-dármektermen qamtamasyz etýdi aıtarlyqtaı jaqsartqan.

Májilistiń baspasóz qyzmeti

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir