Koronavırýs: Sizdiń jas mólsherińizge qandaı jattyǵýlar usynylady?

Pandemııa kezinde barlyq jastaǵy adamdar úshin múmkindiginshe belsendi bolý óte mańyzdy. Dúnıejúzilik densaýlyq saqtaý uıymynyń (DDSU) belsendi bolý kompanııasy sizge durys jattyǵý jasaýǵa jáne kóńil-kúıińizdi jaqsartýǵa kómektesedi. Qamshy tilshisi DDSU resmı saıtyndaǵy paıdaly jattyǵýlar týraly apqarattardy qazaq tiline aýdaryp usynady.

Sizdiń jas mólsherińizge qandaı jattyǵýlar usynylady?

DDCU-nyń barlyq jastaǵy adamdardyń densaýlyǵy men ál-aýqatyn jaqsartý úshin ne isteý kerektigi týraly usynymdary:

1 jasqa deıingi sábıler

• Barlyq náresteler kúnine birneshe ret fızıkalyq belsendi bolýy kerek.

• Áli qozǵala almaıtyn nárestelerge oıaý kezinde 30 mınýttaı ýaqyt eńbektegen kúıinde, edenge negizdelgen oıyndar oınatqan jón.

5 jasqa deıingi balalar

• Barlyq jas balalar kúnine keminde 180 mınýtty kez kelgen qarqynda dene shynyqtyrýdyń ártúrli túrlerimen aınalysýǵa tıis

• 3-4 jastaǵy balalar bul ýaqyttyń kem degende 60 mınýtyn ortasha qarqyndylyqqa jáne fızıkalyq belsendilikke jumsaýy kerek

5-17 jas aralyǵyndaǵy balalar men jasóspirimder

• Barlyq balalar men jasóspirimder kúnine 60 mınýttan ortasha jáne kúshti fızıkalyq belsendilikpen aınalysýy kerek

• Munda kem degende aptasyna 3 kún bulshyqet pen súıekti kúsheıtetin is-sharalar bolýy kerek

• Kún saıyn 60 mınýttan artyq dene shynyqtyrýmen aınalysý densaýlyqqa qosymsha paıda ákeledi

18 jastan asqan eresekter

• Barlyq eresekter apta boıy kem degende 150 mınýt ortasha qarqyndylyqpen nemese apta boıy 75 mınýttan joǵary belsendilikpen aınalysýy kerek.

• Densaýlyqqa qosymsha artyqshylyqtar alý úshin eresekter ortasha qarqyndylyqtaǵy fızıkalyq belsendilikti aptasyna 300 mınýtqa deıin nemese oǵan teńestirý kerek.

• Qańqabulshyq etteriniń densaýlyǵyn damytý jáne qoldaý úshin bulshyqetti kúsheıtetin is-sharalar aptasyna 2 nemese odan da kóp márte jasalýy kerek.

• Sonymen qatar, qozǵalysy nashar eresek adamdar balanysty saqtaý jattyǵýyn jasaýy kerek. Bul qulaýǵa, jaraqat alýǵa jol bermeý úshin paıdaly. Bul jattyǵýlar aptasyna 3 nemese odan da kóp kún bolyp, fızıkalyq belsendilikpen aınalysýy kerek. 

Aıta keteıik, buǵan deıin pandemııa kezinde fızıkalyq jattyǵýlardyń paıdasy týraly DDSU resmı saıtynan aýdaryp jarııalaǵan bolatynbyz.

Al COVID-19 týraly "kóp sý ishý koronavırýsty emdeýge kómektese me?", "alkogol COVID-19-dy emdeı me?" degen sııaqty saýaldar úshin "koronavırýs suraq-jaýaptaryn" oqýǵa keńes beremiz.

Pandemııa ýaǵynda durys tamaqtaný da óte mańyzdy. Koronavırýs kezinde qandaı tamaqtar paıdaly ekenin bilgińiz kelse, DDSU-nyń durys tamaqtaný týraly nusqaýyn oqyńyz.