19 Shilde, 2020 NEWS

Koronavırýs kezinde qandaı jattyǵýlar densaýlyqqa paıdaly?

Pandemııa kezinde DDSU resmı saıtynda jarııalanǵan paıdaly fızıkalyq jattyǵýlar týraly aqparattardy Qamshy tilshisi qazaq tiline aýdaryp usyndy.

Kórneki sýret

Pandemııa kezinde kóbimiz úıde otyrýǵa májbúrmiz. Sol úshin ádettegideı jattyǵý jasaýdyń ózi kóp adamǵa qıynǵa soǵady. Al kóp jattyǵý jasamaıtyn adamdar úshin bul tipti qıynyraq.

Biraq mundaı ýaqytta barlyq jastaǵy adamdar úshin múmkindiginshe belsendi bolý óte mańyzdy. Dúnıejúzilik densaýlyq saqtaý uıymynyń (DDSU) belsendi bolý kompanııasy sizge durys jattyǵý jasaýǵa jáne kóńil-kúıińizdi kóterýge kómektesedi. Qamshy tilshisi DDSU resmı saıtyndaǵy paıdaly jattyǵýlar týraly apqarattardy qazaq tiline aýdaryp usynady.

Este saqtańyz: 3-4 mınýttyq jeńil fızıkalyq qozǵalys jattyǵýlaryn jasaý, mysaly, júrý nemese sozylý sııaqty jattyǵýlar bulshyq etterińizdi bosatyp, qan aınalymyn jáne bulshyqet belsendiligin jaqsartady.

Turaqty fızıkalyq belsendilik denege de, mıǵa da paıdaly. Ol joǵary qan qysymyn tómendetedi, salmaqty baqylaýǵa kómektesedi jáne COVID-19 sezimtaldyǵyn arttyratyn barlyq jaǵdaılar, júrek aýrýy, ınsýlt, 2 tıpti qant dıabeti jáne túrli isik aýrýlaryn azaıtady.

Sondaı-aq súıek pen bulshyqet kúshin jaqsartady, oǵan qosa tepe-teńdikti, ıkemdilikti jáne fıtnesti arttyrady. Qart adamdar úshin balanysty saqtaý jattyǵýlary qulaý men jaraqattanýdyń aldyn alýǵa kómektesedi.

Únemi dene shynyqtyrýmen aınalysý kúnderimizdi rıtmmen ótkizýge, onyń ústine otbasymen jáne dostarmen baılanysta bolýǵa kómektesedi. Bul bizdiń psıhıkalyq densaýlyǵymyzǵa paıdaly. Depressııanyń, tanymdyq quldyraýdyń jáne demensııanyń bastalý ýaqytyn azaıtýǵa kómektesedi. Nátıjesinde jalpy sezimdi jaqsartady. 

Sizdiń jas mólsherińizge qandaı jattyǵýlar usynylady?

DDSU barlyq jastaǵy adamdardyń densaýlyǵy men ál-aýqatyn jaqsartý úshin ne isteý kerektigi týraly usynymdaryn jetkizedi. Aqparatty silteme arqyly kóre alasyz.

Al COVID-19 týraly "kóp sý ishý koronavırýsty emdeýge kómktese me?", alkogol COVID-19-dy emdeı me?" degen sııaqty saýaldar úshin "koronavırýs suraq-jaýaptaryn" oqýǵa keńes beremiz.

Pandemııa ýaǵynda durys tamaqtaný da óte mańyzdy. Koronavırýs kezinde qandaı tamaqtar paıdaly ekenin bilgińiz kelse, DDSU-nyń durys tamaqtaný týraly nusqaýyn oqyńyz.

Ilmek sózder: Koronavırýs jattyǵý

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir