ShQO ákimi Danıal Ahmetov tikeleı efır barysynda oblystaǵy ózge aýdandarda vırýspen aýyrǵan turǵyndar sany kóbeıse, karantındik sharalar kúsheıtile me degen suraqqa jaýap berdi.
 
Aımaq basshysy Aıagóz, Jarma, Besqaraǵaı aýdandarynda karantın kúsheıtilgenin atap ótti. Oǵan COVID-19 shaldyqqan naýqas sanynyń artýy sebep bolyp otyr.
 
Qazirgi ýaqytta Aıagóz aýdanynda 179 jaǵdaı tirkeldi. Onyń ishinde 120-y Aıagózde oryn aldy. Atalmysh aýdanda bir táýlikte, 3 shilde kúni 24 jaǵdaı tirkeldi. Jarma aýdanynda 123 naýqas (68-i Qalbataýda) bar. 4 shilde kúni vırýs juqtyrǵandar sany 52 adamdy quraıdy.
 
Aýdan ortalyqtaryndaǵy kafe, meıramhana, jazǵy alańdar, ashanalar, saýda úıleri men azyq-túlik satpaıtyn bazarlar, qoǵamdyq monshalar, sulýlyq salondary ýaqytsha jumysyn toqtatty.
 
– Aýdan ortalyqtary epıdemııa oshaqtaryna aınalyp jatqanyna qarap, qol qýsyryp otyra almaımyz. Aldaǵy ýaqyttaǵy epıdemıologııalyq jaǵdaıǵa qaraı sharalar qabyldanady. Aýdandardaǵy sanıtarlyq dárigerler jaǵdaıǵa qarap, shekteý sharalaryn kúsheıtýdi nemese alýdy qarastyratyn bolady. Respýblıkanyń bas memlekettik sanıtar dárigeri osyndaı sheshimdi qabyldap otyr, – dedi Danıal Ahmetov.
 
ShQO Aqparat ortalyǵy
Ilmek sózder: ShQO karantın

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir