08 Shilde, 2020 NEWS

Almaty dárihanalary dári-dármekter qoryn toltyrýda

Ashyq derekkóz

Europharma dárihanalar jelisiniń bas dırektory Nurjan Nııazálıev qala basshylyǵynyń dári-dármekterdi jetkizýde ákimshilik prosedýralardy jedeldetýge qoldaý kórsetetini týraly aıtty.

N. Nııazálıevtiń málimeti boıynsha, Almatyda Europharma-nyń 50 dárihanasy bar. Áleýmettik qashyqtyqty mindetti saqtaý barysynda ortalyq jáne iri dárihanalarda kezektiń kóptigi baıqalady.

«Bizdiń qyzmetkerler kezekti retteıdi, ishke maska kıgen 3 adamnan ǵana jiberiledi. Arnaıy belgiler de jasalǵan, qalǵan kelýshiler kezekterin syrtta kútedi», — dedi N. Nııazálıev. Baǵa qalypty jáne tekserýshi toptar monıtorng júrgizedi.

Ol qajetti dári-dármekter 18 shildege deıin ýaqtyly jetkiziletinin aıtty. Dári-dármekti ózge elden shyǵarýǵa, qujattardy rásimdeýge jáne jolǵa ýaqyt ketetinin jetkizdi. Densaýlyq saqtaý mınıstrligimen bolǵan keńeste iri jetkizýshilermen prosesti jedeldetýdiń sóz bolǵanyn tilge tıek etti. Jalpy, barlyq kúsh-jigerdiń jumyldyrylǵanyn, qala ákimdigi tarapynan kómek kórsetilip jatqanyn, logıstıka boıynsha problema joqtyǵyn áńgimeledi.

О́ziniń sózinde reseptte jazylǵan dárilerge degen suranystyń joǵary ekenin atap ótti.

«Sıstema quıý úshin glıýkoza jáne basqa preparattar qajet, analgın jetkilikti. Túnde dárilerdi tıegen kólikterdi jónelttik, antıbıotıkter, deksametazon ýaqtyly jetkizilýde, biz aýrýhanalarmen tek bólshektik qana emes, basqa da úrdister boıynsha jumys jasaımyz», — dedi ol.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir