03 Shilde, 2020 Aımaqtar

Aqtóbede naýqastardy qabyldaýǵa qosymsha 600 oryn ashyldy

Qamshy.kz

Aqtóbe oblysynyń ákimi Ońdasyn Orazalın Marat Ospanov atyndaǵy Batys Qazaqstan memlekettik medısınalyq ýnıversıtetinde boldy. Atalǵan oqý ordada stýdentter jataqhanasynyń 600 oryny pnevmonııaǵa shaldyqqandarǵa arnalǵan. Naýqastarǵa qaladaǵy úsh birdeı polıklınıkanyń qyzmetkerleri kómek kórsetetin bolady.

Sonymen qatar, oqý ǵımaratynyń janyndaǵy Aqqaǵaz Dosjanova atyndaǵy májilis zaly turǵyndardyń saýaldaryna jaýap beretin sall – ortalyqqa aınalady. Atalǵan call ortalyq buǵan deıin halyqqa qyzmet kórsetip kelgen 906-606 nómirli call ortalyqqa qosymsha bolmaq. Tájirıbeli mamandar men professorlyq dárejedegi 10 dáriger turǵyndardan jıi túsetin suraqtarǵa jaýap beredi.

Sondaı-aq, dárigerlermen vıdeobaılanysqa shyǵyp aqparat alýyna múmkindik týyp, táýlik boıy qyzmet kórsetedi degen jospar bar.

«Dárý» klınıkasy» medısınalyq ońaltý ortalyǵynda ashylǵan 150 oryn qazirgi tańda 174-ke kóbeıtilgen. Munda da pnevmonııaǵa shaldyqqandar em alyp jatyr. О́ńir basshysy medısınalyq mekeme basshylaryna qyzmet túriniń sapaly júrgizilýin, kez-kelgen shuǵyl sharalarǵa ázir bolý qajettigin tapsyrdy.

«Azamattardyń ómiri men densaýlyǵy basty nazarda. Atqarýshy organ retinde azamattardyń ómirin saqtap qalý, olardyń aıyǵyp ketýi úshin jan-jaqty sharalardy qolǵa alyp otyrmyz. Sondaı-aq, vırýstyń taralýyn boldyrmaý sharalary qatań baqylaýda» dedi Ońdasyn Orazalın.

Qazirgi tańda oblysta 2583 oryn bolsa, onyń ishinde provızorlyq 2194 quraıdy. 337 ınfeksııalyq oryn bar. 725-i kúndizgi stasıonarlyq oryndarǵa arnalǵan. 12 shildeden bastap klınıkalyq balalar aýrýhanasynan qosymsha provızorlyq 100 oryn iske qosylady.

Ilmek sózder: Aqtóbe oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir