02 Shilde, 2020 NEWS

Qazaqstanda 14 kúnge qatań karantın engizildi. Nege tyıym, nege ruqsat?

Memlekettik komıssııa QR-daǵy epıdemıologııalyq jaǵdaıdy turaqtandyrý jónindegi sharalardy bekitti

Azattyq Rýhy

Qazaqstanda karantın kúsheıtildi. Bul týraly premer-mınıstrdiń saıtynda aıtylady. Premer-mınıstr Asqar Mamınniń tóraǵalyǵymen ótken Memlekettik komıssııa otyrysynda QR Prezıdenti Qasym-Jomart Toqaevtyń tapsyrmasyna sáıkes Qazaqstandaǵy epıdemıologııalyq ahýaldy turaqtandyrý sharalary qaraldy.

Eldegi sanıtarlyq-epıdemıologııalyq jaǵdaı jáne koronavırýs ınfeksııasynyń taralýyna jol bermeý maqsatynda shekteý sharalaryn engizý boıynsha usynylatyn sharalar týraly densaýlyq saqtaý mınıstri Alekseı Soı baıandady.

Qazaqstanda epıdemıologııalyq ahýaldyń órshýin jáne koronavırýs ınfeksııasymen syrqattanýshylyqtyń ósýin eskere otyryp, Memlekettik komıssııa bıylǵy 5 shildeden bastap 14 kúnge kelesi shekteý sharalaryn engizý týraly sheshim qabyldady:

Kólik qatynasy boıynsha:

1. Elder tizimin kóbeıtpeı, halyqaralyq áýe qatynasyn saqtaý;

2. О́ńirler arasyndaǵy áýe qatynasyn, temir jol qatynasyn saqtaý (shekteýlermen);

3. О́ńirler arasyndaǵy jolaýshylar avtobýsy qatynasyn ýaqytsha toqtatý;

4. Qoǵamdyq kóliktiń jumysyn ýaqyt boıynsha shekteý.

Azamattardyń júrip-turýy boıynsha:

1. Oıyn-saýyq, sport jáne basqa da buqaralyq is-sharalardy, sondaı-aq otbasylyq, eske alý sharalaryn ótkizýge tyıym salý;

2. Ashyq aýada jattyǵýlar jasaýǵa ruqsat etý;

3. Turǵyndardyń kóshelerde, saıabaqtarda, skverlerde 3 adamnan artyq serýendeýin shekteý;

4. 65 jastan asqan adamdardyń syrtqa shyǵýyn shekteý.

Myna nysandardyń qyzmetine tyıym salý kerek:

Sulýlyq salondary, shashtaraz, sport zaldary, fıtnes ortalyqtar, basseınder, azyq-túlik jáne azyq-túliktik emes jabyq bazarlar, jaǵajaılar, akvaparkter, mádenıet nysandary, mýzeıler, kórmeler, forýmdar, konferensııalar jáne ózge de uıymdastyrylǵan buqaralyq is-sharalar, oıyn-saýyq ortalyqtary, mektepke deıingi balalar mekemeleri (kezekshi toptardan basqa), dinı nysandar jáne t. b. (SOSO-daǵy oıyn-saýyq ortalyqtary, oıyn-saýyq nysandary (karaoke, bılıard, kompıýter klýbtary, boýlıng ortalyqtary), kınoteatrlar, balalardy saýyqtyrý lagerleri, fýdkorttar, banket zaldary).

Memlekettik organdardyń (uıymdardyń), keńselerdiń, ulttyq kompanııalardyń jáne ózge de uıymdardyń qyzmetkerleriniń keminde 80 paıyzynyń qashyqtan jumys isteý rejımin saqtaý;

Aldyn ala jazylý boıynsha medısına ortalyqtarynyń qyzmetin saqtaý;

Dárihanalardyń, azyq-túlik dúkenderiniń, ashyq bazarlardyń qyzmetin saqtaý;

Kúsheıtilgen sanıtarlyq-dezınfeksııalyq rejımdi saqtaı otyryp, kelesi nysandardyń qyzmetin saqtaý: ashyq aýada qoǵamdyq tamaqtaný nysandary; úzdiksiz óndiristik aınalymy bar qurylys, ónerkásip kásiporyndary; ashyq aýadaǵy qurylys jumystary; aýyl sharýashylyǵy, balyq sharýashylyǵy jáne mal sharýashylyǵy jumystary; halyqqa qyzmet kórsetý salalary, onyń ishinde avto jýý, avtomobılderdi jáne turmystyq tehnıkany jóndeý, HQKO-lar, ekinshi deńgeıli bankter (ýaqyt boıynsha shekteý engizýmen).

Úkimet basshysy elimizdegi epıdemıologııalyq ahýaldyń aldaǵy ýaqytta qalaı ózgeretinine baılanysty atalǵan shekteý sharalary 2 aptaǵa uzartylýy nemese qatańdatylýy múmkin ekenin atap ótti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir