30 Maýsym, 2020 Oqıǵalar
![](/media/2020/06/30/crop-0_118_718x1276_2006300714589471f.jpg?width=600&height=480)
О́rt sóndirýshiler órt shyqqan vagondy sóndirip jatyr
30 maýsym túngi 01:44 kezinde Jambyl oblysy Shý aýdanynyń Shoqpar stansasynda vagon órtendi. Bul týraly Tótenshe jaǵdaılar komıteti habarlady.
Komıtet tartqan habarlamaǵa qaraǵanda, Shoqpar stansasynda eki vagon relsten shyǵyp ketken. Onyń biri – 60 tonna benzın quıylǵan sısterna bolsa, ekinshisi – "Almaty-Aqtoǵaı" júk poıyzynyń konteınerli platformasy. Janarmaı quıylǵan sısterna bir búıirine aýdarylyp, saldarynan munaı ónimi aǵyp, órt tutanǵan.
Komıtet dergine saı, órt 600 sharshy metr aýmaqty sharpyǵan. Temir joldyń 75 metr tósemi búlingen. Shý, Alaıǵyr, Espe stansalarynda 10 jolaýshy poıyzy joldan qalǵan.
Komıtet taratqan habarlamada vagondardyń relsten ne sebepti shyǵyp qalǵany aıtylmaǵan.
2018 jyly da Jambyl oblysy Shý aýdanynda jolaýshylar poıyzynyń 20 vagony relsten shyǵyp ketip, ekeýi janyna aýdarylǵan. Tótenshe oqıǵa saldarynan bir jasóspirim qaza taýyp, 23 jolaýshy jaralanǵan edi.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir