Almaty oblysynda eriktilerdiń front-keńsesi ashyldy

 

Keńseniń resmı ashylý rásimine «Qazaqstannyń 100 jańa esimi» jobasynyń jeńimpazy, voleıboldan Qazaqstan jastar quramasynyń kapıtany, jas volonter Serik Esmatov, oblystyń volonter-demeýshileri, sondaı-aq qurmetti azamattary qatysty.

 

Shara aıasynda óńirde eriktilerdiń jumysyn damytýǵa baǵyttalǵan usynys-pikirlerdi jınaqtaý, ortaǵa salý maqsatynda basqosý ótti. Uıymdastyrýshylardyń sózinshe, front-keńse oblys volonterlarynyń basyn qosyp qana qoımaı, izgi ister bastaý alatyn orynǵa aınalmaq.

 

Aıta keteıik, 12 aqpan kúni Nur-Sultan qalasynda ótken Respýblıkalyq volonterler shtabynyń ashylýynda Memleket basshysy Qasym-Jomart Toqaev Almaty oblysyna «Taza álem» jáne «Bilim» baǵyttary boıynsha belsendi jumys isteýdi tapsyrǵan bolatyn.

 

Osyǵan qaraı, óńir eriktileri jumysty bastap ta ketti. Sonymen qatar, shara aıasynda qaıyrymdylyq aksııasy uıymdastyrylyp, Taldyqorǵan qalasyndaǵy kópbalaly jáne az qamtylǵan 20 otbasyǵa kómek kórsetildi. Onyń 14-i jalǵyzbasty jáne kópbalaly analar, sondaı-aq az qamtylǵan otbasylar. «Birgemiz» marshrýty demeýshiler men eriktiler daıyndaǵan arnaıy syılyqtardy (azyq-túlik, kıim-keshek, aqshalaı) otbasylardyń úılerine baryp, tabystady.