Aqtaýdaǵy shaqyrtýlarǵa taǵy úsh brıgıda shyǵaryldy

Aqtaýdaǵy shaqyrtýlarǵa taǵy úsh brıgıda shyǵaryldy.

Bul týraly óńirlik qoǵamdyq kommýnıkasııalar ortalyǵynda ótken brıfıngte Mańǵystaý oblystyq jedel jáne shuǵyl medısınalyq járdem stansııasy dırektorynyń mindetin atqarýshy Aılarbek Shyrshyqbaev málimdedi.

-«Buryn kúnine 480-500 kúnine shaqyrtý túsetin bolsa, bir myńdaı adam jedel-járdemge habarlasady. Oblys boıynsha 45 brıgada shyǵyp otyr. Onyń 15-i Aqtaý qalasynda. Turǵyndar tarapynan shaqyrtýlardyń 2-3 saǵatqa deıin keshigýine qatysty shaǵymdar kelip túsýde. Munyń eki sebebi bar. Birinishisi, qazir koronavırýs ınfeksııasynyń kóbeıýine baılanysty álgi derttiń belgileri bar nemese joq túrine shaldyqtym dep kóptegen turǵyndar oılaıdy. Osy rette shaqyrtýlar da kúrt kóbeıip otyr. 38-40 gradýsqa dene qyzýy joǵarylap, entigýi bar, biraq zerthanalyq saraptamalary belgisiz adamdardy provızorlyq bólimshege alyp kelgende keptelis paıda bolýda. О́ıtkeni, ár naýqasty qabyldaý, onyń anketasyn jazý 30-45 mınýt ýaqyt alady. Keshegi túnniń ózinde Aqtaýda jedel-járdem kólikterine 90 shaqyrtýǵa keshigip bardy» - deıdi Aılarbek Eltaıuly.

Buǵan sebep - provızorlyq bólimshede oryn bolmaýynda. Osyǵan baılanysty 2-3 brıgada naýqastardy qabyldaýyn kútip, bólimshe aldynda turyp qalǵan.

Ekinshi jaǵdaıǵa koronavırýsqa shaldyqqan adamdy aýrýhaǵa jetkizýden soń árbir jedel-járdem kóligi mindetti túrde dezınfeksııalaý, tazalaýdan ótedi. Bul rette de kemi bir saǵattaı ýaqyt qajet.

Osyny eskergen oblystyq stansııa basshylyǵy búginnen bastap taǵy úsh brıgadany shaqyrtý túsken jerlerge jiberýge sheshim qabyldap otyr. Endigi kezekte Aqtaý qalasynda burynǵydaı 15 emes, 18 jedel-járdem brıgadasy kezekke shyǵarylady.

-«Ákimshilikke úlken rahmet. Bizge úlken Haıs kóligin berip otyr. endigi kezekte barlyq sanıtarlyq talaptardy saqtaı otyryp, brıgadalardy shaqyrtýlarǵa keshiktirmeımiz degen oıdamyz. Ár kólikte feldsher, dáriger jágne kólik júrgizýshiden eseptegende, táýligine 150-deı qyzmetker oblys boıynsha shaqyrtýlarǵa baryp jatyr. Aqtaýdaǵy oblystyq stansııada dıspetcherlik qyzmetimiz bar. Ol jerde 12 adam kúndiz-túni jumys istep otyr» - deıdi spıker.