Ońdasyn Orazalın: Dárigerlerdiń eńbegi erekshe

Aqtóbe oblysynyń ákimi Ońdasyn Orazalınniń tóraǵalyǵymen apparat otyrysy ótti. Oblys ákiminiń orynbasarlary, departament, basqarma basshylary men vıdeokonferensııa baılanysy arqyly qala, aýdan ákimderi qatysty. Aımaq basshysy aldymen aýdandardaǵy kásipkerlik salasynyń tómendigin synǵa aldy. Keıbir aýdandarda birde-bir jańa joba júzege aspaǵan. Kásipkerlikpen aınalysýdyń joldaryn halyqqa túsindirý jumystary mardymsyz. Oblys ákimi aýdan basshylary men «Atameken» óńirlik kásipkerler palatasynyń dırektory

Anar Darjanovaǵa osy baǵyttaǵy jumysty jandandyrýdy tapsyrdy.

Oblys ákiminiń birinshi orynbasary Nurjaýǵan Qalaýov sanıtarlyq-epıdemıologııalyq ahýalǵa sholý jasady.
О́ńirde pnevmonııamen aýyratyndar sany artqanmen barlyǵyna em dom júıeli túrde kórsetilýde. Turǵyndardy saqtyqqa shaqyrý maqsatynda telearnalar men áleýmettik jelilerde úzdiksiz tikeleı efırler uıymdastyrylýda. Betperdeler men qolǵap sany jetkilikti. Dárihanalar men saýda oryndarynda olardyń sany úsh mln. 60 myń ekspress test bar. Osy oraıda,oblys ákimi Ońdasyn Orazalın naýqastarǵa demalyssyz qyzmet kórsetip júrgen dárigerlerdiń eńbegin erekshe atap ótip, turǵyndardy salǵyrttyq tanytpaýǵa shaqyrdy.

«Men aqtóbelik dárigerlerdiń bilimi men biliktiligine senemin. Aq halattylardyń jumysynan kemshilik izdep, aıyptaýdyń qajeti joq. Turǵyndar eń aldymen óz densaýlyqtaryna ózderi jaýapty. Talaptardy oryndamaı, tyǵylyp toı tomalaqta júrgender aýyrady, sosyn ákimdik pen dárigerlerdi kinalaýǵa kóshedi. Árbir adam ózi saqtanýy tıis»,-dedi oblys ákimi. Sondaı-aq, qoǵamdyq oryndarda dezınfeksııalyq sharalardy kúsheıtýdi tapsyrdy.