• USD 405.69
  • EUR 455.51
  • RUB 5.72
  • CNY 57.42

22 Maýsym, 2020 Aımaqtar

Mańǵystaýda birneshe sý tushytý zaýyty ashylady

qamshy.kz

Shóleıtti aımaqta ornalasqan Mańǵystaýdyń keıbir aýdandarynda óńir turǵyndaryn kóktem jáne jaz mezgilinde aýyz sýmen qamtý ózekti máselelerdiń biri. Ásirese, sýarý maýsymynda suranystyń kóptigine baılanysty zaýyttarda aýyz sýdy óndirý kólemi jetkiliksiz. Sondyqtan keıbir eldi mekenderdi 100 paıyz sýmen qamtý múmkin bolmaı tur. Tirshilik nárin bárine teń úılestirý úshin turǵyndar tyǵyz ornalasqan qala, aýdandarda aýyz sý keste boıynsha beriledi. Máselen, Aqtaý qalasyn sýmen qamtyp otyrǵan MAEK táýligine 50 myń, al «Kaspıı» sý tushytý zaýyty 20 myń tekshe metr sý shyǵarady. Qazirgi ýaqytta bıýdjetten qosymsha qarajat bólinip, «Kaspıı» sý tushytý zaýytynyń qýatyn 23000 m3 deıin arttyrý jumystary bastaldy. Sýy tapshy óńirde aýyz sýdy tabý jáne ony tıimdi paıdalaný – basty maqsat. Oblys ákimi Serikbaı Trumov sýdyń kólemin kóbeıtý baǵytynda júrgizilip jatqan jańa jobalardy atap ótti.

ug

Aımaq basshysynyń aıtýynsha, Úkimet basshysynyń tapsyrmasyna sáıkes «Kaspıı» sý tushytý zaýyty janynan 20 myń tekshe metr sý qondyrǵysyn ornatyp, zaýyttyń qýattylyǵyn ulǵaıtý jóninde joba jasaqtalýda. Qurylys jumystary aıaqtalsa, keler jyldyń aıaǵynda Munaıly aýdany tolyqtaı sýmen qamtylatyn bolady. Al, Kendirli kýrorttyq aımaǵynda qýaty táýligine 50 000 m3 sý tushytý zaýyty qurylysyn salý jobasy iske asyrylmaq. Qazirgi tańda qajetti qujattary jasaqtalyp, memlekettik saraptamanyń qaraýyna usynyldy. Nátıjesinde, Jańaózen qalasynyń turǵyndary tolyqtaı aýyz sýmen qamtylady. Bul jumystardy «QazMunaıgaz» AQ júzege asyrady dep kútilýde. «Sonymen qatar «Qarajanbas» ken ornynda sý tushytý zaýytynyń qurylysy boıynsha jumystar júrgizilýde. Bir jarym jylda jańa zaýyttyń qurylysy aıaqtalsa, atalǵan ken orynnyń sýmen qamtylý máselesiniń sheshilýine sep bolmaq. Sondaı-aq Qıǵash-Mańǵystaý arqyly paıdalanyp otyrǵan ken orynnyń 17000 m3 sýyn, óńir turǵyndaryna jiberý múmkindigi paıda bolady.

Jalpy oblys kóleminde sýdyń kólemin arttyrý baǵytyndaǵy jumystar kezeń-kezeńimen jasalyp jatyr. Osy jobalar júzege assa, oblysta aýyz sý tapshylyǵy tolyq joıylady», dedi óńir basshysy Serikbaı О́telgenuly.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir