17 Maýsym, 2020 Oqıǵalar
Amandyq Batalov turǵyndarǵa jınalys ótkizip jatyr
Almaty oblysy Uıǵyr aýdanynda bolǵan tóbeles jolǵa talasýdan bastalǵan. Bul aqpartty Almaty oblysy ákiminiń baspasóz hatshysy Ǵalymurat Júkel habarlady.
"16 maýsymǵa qaraǵan túni Shonjydan (Uıǵyr aýdanynyń ortalyǵy) kele jatqan eki kólik jolǵa talasyp, arty tóbeleske ulasqan. Bul – jastar arasyndaǵy buzaqylyq. Olardyń bári 1999-2000 jyly týǵan jigitter. Bes adam sol tóbeleste pyshaqtalǵan. 2 adamǵa medısınalyq kómek kórsetilgennen keıin ambýlatorııalyq em qabyldaýǵa jiberildi. 1 adam hırýrgııa bólimine jatqyzyldy. Qazirgi ýaqytta 3 adam atalǵan aýrýhananyń hırýrgııa bóliminde em qabyldap jatyr. Jaǵdaılary turaqty" dedi Júkel.
Onyń sózinshe, osy oqıǵadan keıin Almaty oblysynyń ákimi Amandyq Batalov Uıǵyr aýdanyna barǵan, qazir turǵyndarǵa jınalys ótkizip jatyr.
"Oblys ákiminiń orynbasary oqıǵa ornyna birinshi bardy. Izinshe oblys ákimi Amandyq Batalov ta jetti. Dál qazir aýdandyq ákimdikte jınalys ótip jatyr. Oǵan aýyl aqsaqaldary, el aǵalary jáne jastar jınalyp, máseleni talqyǵa salyp jatyr. Qos tarapqa mundaı jaǵdaıǵa jol bermeý kerek ekeni aıtty. Jastardyń arasyna iritki salyp júrgen úshinshi toptyń bar ekeni aıtyldy. Sol boıynsha quzyrly organdar tıisti tekserý júrgizedi" dedi oblys ákiminiń baspasóz hatshysy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir