• USD 412.55
  • EUR 465.73
  • RUB 5.79
  • CNY 58.91

16 Maýsym, 2020 Aımaqtar

«Kaspıı» sý tushytý zaýytynyń qýaty 40 myń tekshe metrge artady

qamshy.kz

Bul týraly oblystyq qoǵamdyq kommýnıkasııa ortalyǵynda ótken brıfıngte Mańǵystaý oblysy ákiminiń orynbasary Baqytjan Qashaqov habarlady.

Mańǵystaý oblysynda jaz mezgilinde aýyz sýdyń kólemi táýligine 150 000 tekshe metrdi, al aýyz sý tapshylyǵy 37 000 tekshe metrdi quraıdy. Shahardyń damýyna qaraı sońǵy 5 jyldyqta halyqtyń sany tez ósip, 280-nen astam kóp qabatty turǵyn úıler boı kóterdi. Aıta ketsek, 2015 jyly jaz aıynda aýyz sýdy tutyný kólemi 27 000 tekshe metr bolsa, búgingi kúni – 42 000 tekshe metrdi  qamtıdy. Dese de, qazirgi ýaqytta aýyz sýǵa degen qajettilik 45 000-46 000 tekshe metrge jetip otyr. Mundaı jaǵdaı ásirese Munaıly aýdany men Aqshuqyr jáne S. Shapaǵatov aýyldarynda oryn alyp otyr. 

-«Sońǵy ýaqytta áleýmettik jelide aýyz sýdyń tapshylyǵy jóninde turǵyndardan kóptegen narazylyqtar túsýde. Ásirese bular jaz aılarynda oryn alady, sebebi aýyz sýdy paıdalaný kólemi edáýir ósedi. Biz onyń barlyǵyn kórip otyrmyz. Qazirgi ýaqytta Munaıly jáne Aqshuqyr, S. Shapaǵatov aýyldaryna aýyz sý berý kestesi 2-3 saǵattyq rejımge aýystyryldy. Atalǵan jumystardyń barlyǵyna túsinistikpen qaraýdy suraımyz. Jaz aılarynan keıin, bul másele qalpyna keledi»,- dedi MO ákiminiń orynbasary Baqytjan Qashaqov.

Aqtaý qalasyndaǵy «Kaspıı» sý tushytý zaýytynyń qýaty 40 myń tekshe metrge artpaq. Jobanyń jalpy quny – 10,5 mlrd.teńge. Qurylys jumystary júrgizilýde, 2021 jyldyń jeltoqsan aıynda aıaqtalady.  Kendirli kýrorttyq aımaǵynda qýaty táýligine 50,0 myń tekshe metrlik sý tushytý zaýytynyń qurylysyn salý jobasyn iske asyrylady. Qazirgi tańda tehnıkalyq-ekonomıkalyq negizdemesi jasaqtalyp, memlekettik saraptamanyń qaraýyna engiziledi. Nátıjesinde, Jańaózen qalasynyń turǵyndary tolyqtaı aýyz sýmen qamtamasyz etiletin bolady. Bul jumystardy «QazMunaıgaz» AQ júzege asyryp jatyr.«Qarajanbas ken ornynda qýaty táýligine 17,0 myń tekshe metrlik sý tushytý zaýytynyń qurylysyn salý jobasyna keler bolsaq, qazirgi ýaqytta qurylys jumystary júrgizilýde. Aıaqtaý merzimi 2021 jyldyń 1 jartyjyldyǵyna belgilengen. Nátıjesinde, «Astrahan-Mańǵyshlaq» magıstraldyq sý aǵyzǵysynan bosatylǵan táýligine 17,0 myń tekshe metr sýdy oblys turǵyndaryna jiberý múmkindigi paıda bolady.  Qaraqııa aýdanynyń Quryq aýylynda qýaty táýligine 50 myń tekshe metr sý tushytý zaýytynyń qurylysyn salý jobasyn iske asyrý boıynsha: Jobanyń tehnıkalyq-ekonomıkalyq negizdemesi jasaqtalyp jatyr. Investormen kelissózder júrgizilýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir