Aqtóbede Alǵa aýdanynyń úsh eldi mekenine gaz keldi

Aqtóbede Alǵa aýdanynyń úsh eldi mekenine gaz keldi. Aqtóbe oblysynyń ákimi Ońdasyn Orazalın Qaraqobda, Tikqaıyń, Kóktoǵaı aýyldarynda boldy. Aýyl okrýgterindegi   kógildir otyn pýnktteriniń resmı ashylýyna qatysyp, turǵyndardyń qýanyshymen bólisti. 

Prezıdent Qasym- Jomart Toqaetyń  tapsyrmasy negizinde eldi mekenderdi kógildir otynmen qamtamasyz etip, halyqtyń jaǵdaıyn jaqsarta túsý maqsatynda bizdiń Aqtóbe oblysynda da aýqymdy jumystar júrgizilýde. Búgingi kúni Aqtóbe oblysynyń barlyq aýdan ortalyqtary gazben 100 paıyz qamtamasyz etildi jáne bul jumys endi eldi mekenderdi gazben kóbirek qamtý baǵytynda júrgizilýde. Biz bul maqsatta birneshe baǵytta jumys júrgizip jatyrmyz, ıaǵnı gaz tartýǵa bıýdjet qarjysyn jumsaýmen qatar iri gaz berýshi kompanııalarmen kelisim jasaý arqyly olardyń óz qarjysy esebinen de gaz tartý jumystary júrgizilip otyr, - dedi aımaq basshysy.

Oblys ákimi  Qaraqobda aýylynyń turǵyny   Muhambetjan Zildeev, Tikqaıyń aýylynyń turǵyny  Aleksandr Drýgalov, Kóktoǵaı aýylynyń turǵyny Savchenko Tatıananyń  jeke turǵyn úılerine  tartylǵan gazdy tutatý rásimine qatysty.О́ńir basshysy budan soń, Tikqaıyń negizgi  mektebiniń jaǵdaıymen tanysty. 1963 jyly salynǵan bir qabatty nysan kúrdeli jóndeý kórmegen.2017 jyly shatyry aýystyrylǵan.   

Aýylǵa tabıǵı gaz kelgendikten bolashaqta turǵyndar sanynyń artýy kútiledi.  Osyǵan oraı, oblys ákimi keń ári zaman talabyna saı mektep salý máselesin qarastyrý   qajettigin aıtty.Qaraqobda aýylyna aýylishilik gaz qubyrynyń qurylysyna  143,6 mln.tg, Tikqaıyń aýylyna aýylishilik gaz qubyrynyń qurylysyna  129 mln 527 myń tg, Kóktoǵaı aýylyna aýylishilik gaz qubyrynyń qurylysyna 100 mln 489 myń teńge qarajat jumsaldy. Alǵa aýdanyndaǵy  30 eldi mekenniń 17-i kógildir otyn paıdalanýda, bul jalpy halyq sanynyń 91,7% nemese 37,5 myń adamdy quraıdy.Ortalyqtandyrylǵan aýyz sýmen 17 eldi meken qamtamasyz etilgen. Bul jalpy halyq sanynyń 92,6%.