• USD 412.55
  • EUR 465.73
  • RUB 5.79
  • CNY 58.91

09 Maýsym, 2020 NEWS

Bıýdjet qarajatyn ýaqytyly ıgere almaǵan memlekettik organdar

Jergilikti bıýdjetterdiń shyǵystary 2 trln 606 mlrd teńgeni qurady

Kórneki sýret

Qarjy mınıstri Erulan Jamaýbaev bıýdjet qarajatyn ýaqytyly ıgere almaı jatqan mınıstrlikter men ákimdikterdi atady.

"Memlekettik bıýdjet shyǵystary - 97,9%, respýblıkalyq - 98,9%, jergilikti bıýdjetter - 97,2% atqaryldy. Respýblıkalyq bıýdjettiń shyǵystary esepti kezeńde 5 trln 620 mlrd teńgeni qurady. Bıýdjet qarajaty 61 mlrd teńgege atqarylmady. Onyń 15 mlrd teńgesi únemdeý boldy. Igerilmegen soma - 46 mlrd teńge. Bıýdjet qarajatyn ýaqytyly ıgere almaı jatqan memlekettik organdar: Ulttyq ekonomıka mınıstrligi – 7,3 mlrd teńge, Ishki ister mınıstrligi – 6,4 mlrd teńge, Densaýlyq saqtaý mınıstrligi – 4,8 mlrd teńge, Joǵarǵy Sot – 4,5 mlrd teńge, Qorǵanys mınıstrligi – 4,2 mlrd teńge", - dedi Erulan Jamaýbaev Úkimet otyrysynda.

Mınıstr qarjynyń ıgerilmeýiniń negizgi sebepteri - konkýrstyq rásimderdi uzaq jáne ýaqtyly ótkizbeý, naqty kórsetilgen qyzmetter, atqarylǵan jumys kólemine tóleý, sharttardy jasasý rásimderin uzaq júrgizý, tólem boıynsha qujattardy uzaqmerzimdi kelisý ekenin atap ótti.

"Jergilikti bıýdjetterdiń shyǵystary 2 trln 606 mlrd teńgeni qurady. 75 mlrd teńge oryndalmady. О́ńirlerge 2 trln 317 mlrd teńge nysanaly transfert qarastyrylǵan. Aldyn ala derekter boıynsha, oǵan 671 mlrd teńge bólindi. Onyń 96% nemese 643 mlrd teńgesi ıgerildi. Oryndalmaǵan soma - 28 mlrd teńge. Onyń 8 mlrd teńgesi - bıýdjet qarajatyn únemdeý bolsa, al 20 mlrd teńge - ıgerilmedi", - dedi ol.

Bul rette eń kóp ıgerilmegen qarajat myna óńirlerde qalyptasqan: Almaty qalasy – 3,4 mlrd teńge, Batys Qazaqstan – 2,7 mlrd teńge, Pavlodar – 2,6 mlrd teńge, Qyzylorda – 2,4 mlrd teńge, Qaraǵandy – 2 mlrd teńge, Mańǵystaý – 1,6 mlrd teńge, Aqmola jáne Túrkistan oblystarynda – 0,9 mlrd teńgeden, Nur-Sultan qalasy jáne Almaty oblysynda – 0,8 mlrd teńge.

Ilmek sózder: bıýdjet memleket

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir