Taıynshadaǵy tóbeles: Ken ornynyń qojaıyndary neni bólise almady? (vıdeo)

Soltústik Qazaqstan oblysynda ken ornynyń qojaıyndary arasynda janjal týdy, dep jazady Qamshy.kz aqparat agenttigi AstanaTV arnasyna silteme jasaı otyryp

Taraptardyń janjaly beınetaspaǵa jazylyp, dereý áleýmettik jelide tarap úlgerdi.

Tóbeleske ulasqan daý Taıynsha aýdanyndaǵy tıtan-sırkonıı ken ornynda boldy. 2004 jyly ashylǵan kásiporynnyń búginde jeti birdeı quryltaıshysy bar. Qojaıyndar kompanııanyń tabysyn bólise almaǵanǵa uqsaıdy. Bir ymyraǵa kele almaǵan soń, qaraǵandylyq eki quryltaıshy kúzet kompanııasynyń qyzmetkerlerin shaqyrtyp, ken ornyna basa kóktep kirmekshi bolǵan.

Buǵan jergilikti jumysshylar kedergi boldy. Sol jerde 40 shaqty adam jaǵa jyrtysqanyn polısııa rastady. Oqıǵa ornyna dereý tártip saqshylary jetip, jaǵdaıdy baqylaýǵa aldy. Qantógistiń saldarynan on adam dárigerdiń kómegine júgindi. Bul faktige qatysty quzyrly organ qylmystyq is qozǵaǵan.

QR Qylmystyq kodeksiniń 293-baby 3-bólimi jáne 252-babyna sáıkes, ıaǵnı buzaqylyq pen qyzmettik babyn asyra paıdalaný faktisi boıynsha qylmystyq is qozǵaldy. Tóbeles barysynda belsendilik tanytqan 1994 jáne 1998 jylǵy qos azamat ustaldy. Qazir tergeý jumystary qolǵa alyndy, – dep málimdeme jasady SQO Polısııa Departamenti basshysynyń orynbasary Eńbek Sembın