Almaty qalasy ákiminiń orynbasary Erjan Babaqumarovtyń tóraǵalyǵymen Almaty qalasy ákimi janyndaǵy Áıelder isteri jáne otbasylyq-demografııalyq saıasat jónindegi komıssııanyń onlaın túrde beıne-konferensııa rejımindegi otyrysy ótti. 

Otyrysqa Almaty ákimi janyndaǵy Áıelder isteri jáne otbasylyq-demografııalyq saıasat jónindegi komıssııanyń hatshysy N. Toǵyzbaeva, qalalyq kásipodaqtar odaǵy tóraǵasynyń orynbasary K. Letnıkova, "Atameken" UKP Isker áıelder keńesi tóraǵasynyń orynbasary A. Eralıeva jáne t. b. qatysty.

Otyrysta aǵymdaǵy jyldyń 5 aıynda atqarylǵan komıssııa jumysy talqylanyp, otbasynyń, áıelder men balalardyń jaǵdaıyn jaqsartýǵa baǵyttalǵan jobalardy iske asyrý boıynsha ekinshi jartyjyldyqqa arnalǵan josparlar qarastyryldy.

Jumystyń basym baǵyttary arasynda - Jumyspen qamtý, áıelderdi qoǵamdyq jáne kásipkerlik qyzmetke barynsha tartý, otbasylyq qundylyqtardy nyǵaıtý jáne balalardyń quqyqtaryn qorǵaý máseleleri bar.

Ásirese áıelder men balalarǵa qatysty zorlyq-zombylyqqa qarsy kúres sharalaryna erekshe nazar aýdaryldy. Atap aıtqanda, qıyn jaǵdaıǵa tap bolǵan otbasylarǵa psıhologııalyq kómek kórsetý, sondaı-aq áıelderdi úıdegi zorlyq-zombylyqtan qorǵaý jónindegi máseleleri keńinen talqylandy.

Shahar basshysynyń orynbasary Erjan Babaqumarov azamattyq qoǵamnyń halyqtyń ómir súrý sapasyn jaqsartýdaǵy mańyzdylyǵyn atap ótip, áıelderdiń úkimettik emes uıymdarynyń ókilderin memlekettik áleýmettik tapsyrys boıynsha jobalardy iske asyrýǵa belsene qatysýǵa shaqyrdy.

Qala ákimi Baqytjan Saǵyntaevtyń atynan ákimniń orynbasary Erjan Babaqumarov komıssııa múshelerin halyqaralyq otbasy kúnimen quttyqtady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir