Shókeev: Bul sońǵy jyldary alǵash ret oryn alǵan tabıǵı qubylys

Tólebı aýdanyndaǵy selden zardap shekken aýmaqtardy aralaǵan oblys basshysy О́mirzaq Shókeev tek 40 mınýttyń ishinde 1 aılyq jańbyr jaýǵanyn, bul sońǵy jyldary alǵash ret oryn alǵan tabıǵı qubylys ekenin aıtty.

Oblys ákiminiń orynbasary Sáken Qalqamanov óńirlik kommýnıkasııa qyzmetiniń alańyndaǵy jıynda sý basý boıynsha derektermen bólisti.

Túrkistan oblystyq tótenshe jaǵdaı departamentiniń málimetine sáıkes, Tólebı aýdanyndaǵy Qasqasý ózeninde sý deńgeıiniń kóterilýinen 4 úı, 376 aýla aýmaǵyn sý basty. Jergilikti mańyzy bar tórt kópirdi sý shaıyp ketti. 8 bas iri qara jáne usaq mal shyǵyny boldy. Aýdan ortalyǵy Lengir qalasyndaǵy 20 aýla sý astynda qaldy.

Tasqynnan zardap shekken Sultan rabat aýylynyń 150 turǵynyna №5 kásibı tehnıkalyq kolledj bazasynda evakýasııalyq pýnkt uıymdastyryldy. Ol jerge 70 adam jaıǵastyryldy. Onyń 32-si bala. Taǵy 80 adam jaqyn mańdaǵy týystarynyń úıine ornalasty. Qosymsha Kóksáıek eldimekeninde ornalasqan №9 kópsalaly kolledjinde 150 adamǵa arnalǵan evakýasııalyq pýnkt daıyndaldy.

Qazyǵurt aýdanynda 6 úı aýlasy men Qarjan aýylyndaǵy "Sembı" emhanasynyń aýmaǵyn sý basty. S. Rahymov aýyldyq okrýginiń turyndaryn evakýasııalaýǵa Túrkistan oblysy TJD qyzmetkerleri jumyldyryldy. Kókibel aýylynan 133 adam evakýasııalandy. Onyń 45-i balalar. Barlyq evakýasııalanǵan turǵyndar týystarynyń úılerine jaıǵastyryldy. Qazirgi tańda sý basqan aımaqtardaǵy aryqtardy tazalaý jumystardy júrgizilýde.

Báıdibek aýdanyndaǵy Aqbastaý aýyldyq okrýgine qarasty Turaqty kanalynan tasyǵan sý saldarynan 3 eldimekendegi 13 úı aýlasyn sý basty. Sý deńgeıi 20 sm-ge deıin kóterilgen. Tótenshe jadaı qyzmetkerleriniń kómegimen Turaqty aýylynan 55 adam Aqbastaý aýylyndaǵy Sh.Ýálıhanov orta mektebindegi evakýasııalyq pýnktte ornalastyryldy. Onyń ishinde 18-i jas bala.

Túrkistan oblysynyń TJD janynan departament qyzmetkerleri jergilikti atqarýshy organdar men polısııa qyzmetkerlerinen quralǵan jedel shtab quryldy. Sý tasqyny zardabyn joıýa 612 maman men 84 tehnıka 47 motopomp jumyldyryldy.

Tótenshe jaǵdaı jarııalanǵan Tólebı aýylyndaǵy Qasqasý eldi mekeninde ornalasqan 2 kópirdi tolyq sý shaıyp ketken, 1 kópirge zaqym kelgen. Jergilikti mańyzy bar taǵy bir kópirdi sý shaıǵan. 4 kópirdi tolyq retke keltirý jumystary tynymsyz júrgizilýde. Nátıjesinde, eki ótkel tolyq retke keltirilip, aýyldardyń baılanysy ashyldy.

4 kópirdiń ekeýi bir kúnde qalpyna keltirildi. Taǵy biri rettelip, jaıaý júrginshiler úshin ashyldy. Erteńge deıin aıaktap, kólik júrý úshin ashylady. Bul jumysqa 20 tehnıka jáne 21 jumysshy jumyldyrylǵan.