Aqtaýda «Jumyspen qamtý jol kartasy» boıynsha mamandar jumysqa tartylýda

Mańǵystaý oblysynyń ákimi S.Trumov Aqtaýdaǵy birneshe nysandy aralady. Aldymen jóndeý jumystary júrip jatqan «IT mektep – lıseıi» men 29-shaǵyn aýdandaǵy №28 mekteptiń jumystarymen tanysty. Qazirgi tańda atalǵan bilim ordalarynda tolyqtaı demontaj jumystary júrgizilýde. Jumys jasaýǵa memlekettiń «Jumyspen qamtý jol kartasy» baǵdarlamasy boıynsha ár mektepte 100 jumys oryndarynan ashylyp, adamdar tartylýda. Eki mektepte ústimizdegi jyldyń maýsym aıynda aıaqtalý josparlanyp otyr. Oblys ákimi jaýapty mamandarǵa bilim ordasynyń jumys sapasyn únemi baqylaýda ustaýdy jáne ýaqytyly aıaqtaýdy tapsyrdy. Sonymen qatar, «Jumyspen qamtý jol kartasy» baǵdarlamasy boıynsha jumysqa kóptep adamdardy tartýdy júktedi.

Sondaı-aq, óńir basshysy 17 shaǵyn aýdanda boı kótergen boks ortalyǵynyń jumysymen tanysty. 1500 adamǵa shaqtalǵan sport ortalyǵy aǵymdaǵy jyldyń tamyz aıynda aıaqtalady dep josparlanyp otyr. Búginde qurylys jumystarynyń basym bóligi aıaqtalǵan.

Budan keıin, aımaq basshysy 1 shaǵyn aýdanda qurylysy júrip jatqan onkologııalyq dıspanserge bardy. Ortalyq 6 qabattan turady, syıymdylyǵy 100 adamǵa arnalǵan. Qazirgi kúni munda da qurylys jumystarynyń negizgi bóligi tolyq oryndalyp otyr. Alda aýrýhanaǵa qajetti qural-jabdyqtar ornatylýy tıis. Nysan jospar boıynsha 2020 jyldyń aıaǵynda tapsyrylady dep kútilýde.