Maqtaral aýdanynda sý tasqynynan zardap shekkenderge kómek kórsetý úshin «Salıqaly urpaq» qoǵamdyq qory Túrkistan oblysynyń korporatıvtik áleýmettik damý qoryna 200 mıllıon teńge aýdardy.

«4 mamyr kúni qoǵamdyq qor zardap shekken otbasylarǵa járdem kórsetý úshin Atakent aýylyndaǵy arnaıy qoımaǵa 20 tonna gýmanıtarlyq kómek jetkizdi. Onyń ishinde azyq-túlikten basqa, sharýashylyq jáne gıgıenalyq zattar, sonymen qatar balalarǵa arnalǵan tátti taǵamdar boldy», - deıdi «Salıqaly urpaq» qoǵamdyq qorynyń jetekshisi QASYM QASABEKOV.

f

«Salıqaly urpaq» qoǵamdyq qory jalpyulttyq «Biz birgemiz!» aksııasynyń aıasynda qıyn jaǵdaıǵa tap bolǵan qazaqstandarǵa qol ushyn sozýdy jalǵastyryp keledi. Buǵan deıin qor koronavırýs ınfeksııasyna qarsy kúres úshin 150 mıllıon teńge bólgen edi.

Anyqtama: «Salıqaly urpaq» qoǵamdyq qory qyzmetin 2016 jyldyń sáýirinde bastady. 

Qor birneshe baǵytta jumys isteıdi: az qamtylǵan otbasylardyń jetim balalaryn asyrap, tárbıeleý, az qamtylǵan otbasylarǵa azyq-túlikpen kómektesý, em qabyldaýdy muqtaj etetin jandarǵa qarjylaı kómek, bilim berý aqysy, memlekettik tildi, ulttyq dástúrlerdi damytý, meshit qurylysy, ártúrli deńgeıdegi sport sharalaryn ótkizý.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir