• USD 468.56

  • EUR 497.56

  • RUB 7.3

  • CNY 67.18

28 Naýryz, 19:04:29
Almaty
+35°

Muhtar Taıjanǵa hat.

Qymbatty Muhtar, qoǵamymyzdy jaqsartýǵa barynsha tyrysyp, óz úlesińdi qosyp júrgenińdi eskerip, bul postty múldem jarııalaǵym kelmegen.

Barlyǵy ekeýara sheshilgenin qalap edim, biraq, ókinishke oraı, sen óz áreketterińmen maǵan basqa tańdaý qaldyrmaı otyrsyń. Votsap jelisiniń toptarynda meniń eski vıdeomdy, sýbsıdııalar kórsetilgen excel kestelerdi, anekdot jáne ózge de dúnıelerdi taratyp júrgen men emes deıtin shyǵarsyń? Osy erkektik pe, aıtshy? Tipti, soǵystyń ózinde moraldik ustanymdar bolady. Jaraıdy, seni synaıtyn men emes.

Seniń renishterińdi bilip, kelisimge kelip, osy jaǵdaıdyń aldyn alý úshin senimen kezdesýge birneshe ret áreket jasadym, biraq, sen barynsha qashtyń. (Skrınshottar saqtaýly). Seniń aldyńdaǵy kinám qandaı? Senen góri tanymal bolyp ketkenim be? Esh sebebin taba alar emespin, men saǵan únemi erekshe jaqsy kózqaraspen qaraýshy edim. Árdaıym óz tanystaryma seni maqtaıtynmyn.

Nege sen týra qazir maǵan bas salǵanyńdy túsinbedim, ádettegideı, haıp jasap, meniń esebimnen óz abyroıyńdy kóterip, ózińniń "saıası básekelesińniń" kózin qurtqyń keldi me álde burynǵy ádet boıynsha seni taǵy satyp aldy ma?

Birinshi ret seni FB-te baıqadym. Ol kezde sen maǵan el taǵdyrynyń shyn janashyry bolyp kóringen ediń. Kezdesýde sen maǵan birigip, pııaz bıznesimen aınalysýdy usyndyń. Seni qoldaýdy jón kórip, 50/50 tabyspen pııaz satyp alýǵa 95 000$ ınvestısııa quıdym. Pııaz bıznesinde tolyqtaı kúıip, óz aqshamdy joǵalttym. Sen menen aqsha aldyń, biraq, keıinirek belgili bolǵandaı, Shengeldi massıvi fermerleri senen óz aqylaryn almaǵanyn aıtty. Keıin sen maǵan olarmen sottasyp, sotty jeńip shyqqanyńdy jazǵan bolatynsyń. Seniń sózińe senip, ári qaraı ózińmen aralasa berdim.
Bul meniń kezekti úlken qateligim bolypty!

2016 jyldyń sáýir aıynda eldi jerge qatysty mıtıngter tolqyny ótti. Halyq jerdi sheteldikterge satpaýdy talap etti. Sen bul máselege belsendi aralasyp, menen kómek suradyń. Barlyq aqshańdy pııaz bıznesinde joǵaltyp, Amerıkadaǵy balańnyń oqýy aqysyn tóleýge, otbasyńdy qamtýǵa qarajatyń joq ekenin aıttyń. Sonda men saǵan sen jerge qatysty suraqtarmen aınalysýyń úshin kómek beremin dedim.

23 sáýirde FB jarııalaǵan postyńdaǵy testtiń birinshi – Jer mıtıngileri kezinde men ne istedim? degen suraǵyna birden jaýap bereıin.
- Jer mıtıngileri kezinde men halyq múddesin qorǵap júrgen belsendi Jer komıssııasynyń jumysyna qatysyp, mıtıngte qabyldaǵan sheshimderdi júzege asyrsyn dep, onyń otbasyn asyrap, ulynyń Amerıkadaǵy oqýynyń aqysyn tólep turdym.
Ári qaraı. Jerge qatysty suraqtar aıtarlyqtaı kóp bolmaǵan soń, menen ózińe basqa da máseleler men mindetterdi tapsyrýdy suradyń.
Jasyratyny joq, barlyq máselelermen tyńǵylyqty aınalystyń, senen talap etpesem de, árbir sheneýnikpen bolǵan kezdesý jaıynda esep berip otyrdyń. (Barlyq jazysqan hattarymyz ben áńgimelerimiz saqtaýly).
Qarjylaı kómekten bólek, sen maǵan jerge qatysty, odan ári ózge de suraqtar boıynsha júginip otyrdyń. Men, tipti, 2019 jyldyń basyna deıin senen qolymnan keler sarapshylyq kómegimdi aıamadym.

Al endi jaýap bershi maǵan, 2 jylǵa jýyq ýaqyt boıy seniń otbasyńdy asyrap, ulyńnyń oqýyn tólep kelgen men emes pe?
Sen menen myna somalardy almadym dep aıta alasyń ba:

24.06.2016 Muhatardyń jubaıy - Aıgúlge 43 500 AQSh dollary tabystaldy.
Tabystaý orny - Markova Popova.

11.07.2016 Muhatardyń jubaıy - Aıgúlge 43 600 AQSh dollary tabystaldy.
Tabystaý orny - Markova Popova.

24.02.2017 Muhtar Taıjannyń óz qolyna 50 000 AQSh dol. tabystaldy.

29.05.2017 Muhtar Taıjannyń óz qolyna 50 000 AQSh dol. tabystaldy.

27.07.2017 Muhtar Taıjannyń óz qolyna 50 000 AQSh dol. tabystaldy.

Saǵan eki jylda 237 100 AQSh dollaryn bergen adammen taıtalasasyń ba?
Votsaptaǵy ekeýmizdiń aramyzdaǵy hattardyń skrınshottaryn joqqa shyǵarasyń ba?
Barlyǵyn nege suraq formasynda qoıyp otyrmyn?
Sen maǵan jala japqanyń úshin sotqa berý arqyly bıliktegiler seni qasaqana paıdalanyp, ony maǵan ilik etýi múmkindigin túsinbeıdi dep oılaısyń ba? Seniki múldem durys bolmaı turyp, maǵan qyr kórsetý úshin saǵan kim dem berip otyr? Mende bary tek votsaptaǵy jazysqan hattarymyz, sen jibergen aýdıolar, saǵan jáne jubaıyńa aqshany jetkizip bergen kisiler. Al bizdiń gýmanıstik sot bul aıǵaqtardy moıyndamaýy múmkin. Týǵan anań men týǵan baýyryńmen, odan qala berse, pııaz ekken baıǵus fermerlermen sottasqanyńdy eskersek, senen bárin kútýge bolady. Elim úshin jaqsy is jasap, eń bolmasa, meniń kómegime rıza bolar dep, jaqsy adamǵa kómek kórsetip júrmin desem, kerisinshe, alǵysynyń ornyna sotqa tartylý qaýpine qalyp otyrmyn.

Raqmet saǵan, Muhtar, bul maǵan 332 100 (237 100 + 95 000) AQSh dollaryn jumsap, qaıtarymyna, alǵystyń ornyna ózińe jaý men kóre almaýshyny qalaı taýyp alýǵa bolatynyn túsiný úshin óte qymbat sabaq boldy.
Rasynda, men adam tanymaıdy ekem, qatelikter jiberýdemin!
Sol kezde-aq ózime – «Saıasatpen» uzaq jyldar boıy aınalysyp júrgen adam ne turaqty jumysy, ne bıznesi bolmasa, qalaı kún kórip júr?» degen suraq qoıýym kerek edi.

Qoryta kele, testińniń ekinshi – Jańaózen oqıǵalary kezinde men nemen aınalystym? degen suraǵyńa jaýap bergim keledi.
Birinshiden, men ózimdi eshqashan saıasatker atamadym. Men ınvestor, qoǵam qaıratkeri jáne saıahattaýshymyn jáne men bılikke umtylmaımyn. 2011 jyly, Jańaózendegi oqıǵalar kezinde, men Almatyda boldym, sotqa kúndelikti jumysyma barǵandaı baratynmyn jáne bir ýaqytta qazaqstandyq jáne halyqaralyq sottarda ózimdi qorǵaýmen júrdim jáne mende eshqaıda ketpeý týraly tilhat bolatyn. Sondyqtan, men ol jerde zańdy túrde de, dárejeme qaraı da bola almaıtyn edim. Jáne de, men barlyq halyqaralyq sottarda óz kinásizdigimdi dáleldep shyqtym, al Qazaqstanda istiń tapsyryspen qozǵalǵandyǵyna jáne tergeý tobynyń aýqymdy jumysyna qaramastan, meni tek 2 jylǵa shartty túrde jaýapqa tartty. Bul neniń kórsetkishi?

Qymbatty Muhtar, men seniń barlyq suraqtaryńa jaýap berip, testińdi óttim dep oılaımyn. Endi sen meniń testimdi tapsyryp kór.
1. О́z otbasyńdy nemen asyrap otyrǵanyńdy aıt? Tek bıznesmen boldym degen ertegilerińniń qajeti joq.
2. Saıasatpen aınalysa otyryp neni táýekel ettiń? Báske ne qoıdyń? Men, tipti, seniń qyzmetiń úshin ustalǵanyń týraly estimeppin.
3. Bul elde sen ne qurdyń nemese ne jasadyń?

Rasymen, halyq saıasatkeri bolǵyń kelse, eń áýeli, óz eńbegińmen tapqan aqshaǵa ómir súrip, soǵan qanaǵat etýdi úıren.
Saıasat – bul Astanadaǵy kabınetterdi kezý emes. Shynaıy saıasat – bul, eń aldymen, jaýapkershilik, aramzalyq pen bále izdeýshilik emes.

Marǵulan Seısembaıdyń facebook paraqshasynan

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir