19 Sáýir, 2020 NEWS

107 jastaǵy túrkııalyq áıel koronavırýstan jazylyp shyqty

Ol koronavırýstan aıyǵyp shyqqan álemdegi eń qart áıelderdiń biri boldy

Anadolu

107 jastaǵy Túrkııa turǵyny Havahan Karadenız koronavırýstan jazylyp shyqty. Ol koronavırýstan aıyǵyp shyqqan álemdegi eń qart áıelderdiń biri boldy. 

Anadoly basylymynyń deregi boıynsha, Havahan Karadenızdiń ımýndyq júıesi kúshti bolǵandyqtan koronavırýstan bir aptanyń ishinde jazylǵan. 

Qart áıel 7 sáýirde Stambýl ǵylymı klınıkasyna qatty jótel men joǵary qyzýmen túsken. Keıin onyń koronavırýs juqtyrǵany belgili bolǵan. Bir aptadan soń ol 14 kúndik úı karantınine jatqyzyldy. 

Aýrýhana qyzmetkerleri qart áıeldiń koronavırýstan jazylyp shyqanyna tańǵalǵandaryn jasyrmady. Dárigerlerdiń sózinshe, Karadenızdiń ımmýnıteti óte myqty. 

Karadenız Malatııa provınsııasynyń Potıýrge aýdanynda dúnıege kelgen. 8 jasynda otbasymen birge Ystambulǵa kóshken.  Kúıeýi 1982 jyly qaıtys bolǵan. 

Karadenızde tórt bala, 11 nemere jáne 15 shóbere bar. Jaqynda  nemereleriniń biri ata bolady. 

Egde jasyna qaramastan Karadenız kúnde tańerteń erte turyp namaz oqıdy. Malatııa provınsııasynyń kez kelgen turǵyny sekildi ol órikterdi jaqsy kóredi. 

Kún saıyn nemeresi oǵan súıikti túrik kofesin daıyndaıdy.  Karadenız tamaqtanýǵa kóp kóńil bóledi. Tańǵy asqa ol maı, kilegeı, bal, sút jeıdi.  Onyń súıikti taǵamdarynyń biri - ıogýrt qosylǵan qaınatylǵan bıdaı.
 
Onyń holesterın men qant deńgeıi qalypty, ol táttiler men jemisterdi jaqsy kóredi. Osyǵan deıin ol eshqandaı ota jasatpaǵan. Sondaı-aq este saqtaý qabileti óte jaqsy. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir