27 Naýryz, 2020 NEWS

Álemdik jáne qazaqstandyq qaltalylar koronavırýspen kúreske qansha qarjy bóldi?

qamshy.kz

Búginde 180-nen astam elde taraǵan koronavırýs adamzatty alańdatyp otyr. Indetpen kúreske álemdegi tanymal bıznesmender, fýtbolshylar jáne ınvestorlar qyrýar qarjy bólip, qajetti qural-jabdyqtardy satyp alýǵa kómektesýde. Qamshy tilshisi álemdegi jáne Qazaqstandaǵy qaltaly azamattardyń koronavırýspen kúreske qansha qarjy bólgeni týraly materıal ázirlegen bolatyn.

Álemge áıgili olıgarhtardyń qaıyrymdylyǵy

«Tesla» kompanııasynyń ıesi, bıznesmen Ilon Mask Kalıfornııa aýrýhanasyna 1250 dana ókpeni jasandy jeldetý apparatyn bergen.

Microsoft-tyń negizin qalaýshy Bıll Geıts bolsa, koronavırýspen kúreske 50 mln AQSh dollaryn bólgen.

Qytaılyq mıllıarder Djek Ma Afrıka elderine 1,5 mln koronavırýs testin, 100 myń medısınalyq maska men medısına qyzmetkerlerine arnalǵan 1000 kıim syılaǵan. Sondaı-aq koronavırýsqa qarsy vaksına jasap shyǵarýǵa 14 mln dollar qarajat bólgen.

Apple tóraǵasy Tım Kýk AQSh pen Eýropa dárigerlerine 2 mln medısınalyq maska syılaǵan.

Facebook áleýmettik jelisiniń negizin qalaǵan Mark Sýkerberg dárigerlerge 720 myń medısınalyq maska syılap, 20 mln dollar qarajat bólgen.

Fransııanyń «Lıon» fýtbol klýby qalalyq aýrýhanaǵa 300 myń eýro tartý etken.

«Lıverpýl» fýtbol klýbynyń oıynshysy Muhammed Salah týǵan jeri Mysyrǵa 1 mln 170 myń eýro kóleminde qaıyrymdylyq jasaǵan.

«Bavarııa» fýtbol klsbynyń oıynshylary Leon Goreska men Iozýa Kımmıh koronavırýspen kúreske 1 mln eýro bólip, «We Kick Corona» atty saıt jasady. Bul saıt arqyly adamdar pandemııamen kúreske aqsha aýdara alady.

«Bavarııa» fýtbol klýbynyń oıynshysy Robert Levandovskı pandemııamen kúreske 1 mln eýro bóldi.

«Manchester Sıtı» fýtbol klýbynyń oıynshysy Leroı Sane vırýspen kúreske 500 myń eýro bólgen.

«Real Madrıd» fýtbol klýby koronavırýsqa qarsy emge qajetti quraldar men dári-dármek satyp alýǵa 350 myń eýro bóldi.

Álemdegi eń baı ınvestorlardyń biri Ýorren Baffet koronavırýspen kúreske 20 mln dollar bóldi.

«Iýventýs» fýtbol klýbynyń basshysy Andrea Anellı Italııaǵa 10 mln eýro qarjy bólgen. Qarjy Italııanyń Azamattyq qorǵaý departamentine Týrın men Pemont qalalaryndaǵy naýqastarǵa qajetti jaǵdaı jasaý úshin jumsalǵan.

Fransııanyń «PSJ» fýtbol klýby «Fransýz halqyna kómek» uıymyna 100 myń eýro qarjy aýdarǵan.

Qazaqstandyq baılar koronavırýspen kúreske qansha qarjy bóldi?

Alǵashqylardyń biri bolyp «Halyk bank» koronavırýspen kúresetin medısına qyzmetkerlerine 100 mln teńge aýdardy.

Keıin "BI Group" kompanııasy dárigerlerge 100 mln teńge bóldi. Bul týraly kompanııa basshysy Aıdyn Rahymbaev habarlady.

Eks-prezıdent keńsesiniń qyzmetkerleri koronavırýsqa qarsy kúreske bir kúndik jalaqysyn aýdarǵan.

Qazaqstan Respýblıkasy tuńǵysh prezıdentiniń qory koronavırýsqa qarsy 200 mln teńge bóldi. Sondaı-aq qor basshylyǵy 50 myń medısınalyq maskany Nur-Sultan qalalyq qoǵamdyq densaýlyq saqtaý basqarmasyna berdi.

«Vernyı Kapıtal» kompanııalar toby 1 mıllıon AQSh dollaryn bólgen.

Olıgarh Bolat О́temuratov Nur-Sultan men Almaty qalalaryna 200 mıllıon teńge bóldi. Sondaı-aq respýblıkalyq kómek qoryna 1 mln dollar aýdarǵan.

Kásipkerler Tımýr Qulybaev pen Qaırat Boranbaev indetpen kúreske 1 mlrd teńge bólgen.

«Bıpek Avto» koronavırýspen kúreske 30 kólik bergen. Qazaqstanda qurastyrylǵan kólikter Nur-Sultan, Almaty jáne О́skemen qalalaryndaǵy jedel shtabtarda qyzmet kórsetedi. Kompanııanyń bas dırektory Erik Saǵymbaev bul 30 kólikti kútip-ustaý shyǵyndary tótenshe jaǵdaı kezeńinde tolyqtaı óz moınynda bolatynyn málimdedi.

Bolat Nazarbaevtyń «Salıqaly urpaq» qoǵamdyq qory» COVID-19 vırýsymen kúreske 150 mln teńge bóldi.

Túrkistan oblystyq máslıhatynyń depýtaty Serikjan Seıitjanov koronavırýspen kúreske 100 mln teńge aýdardy.

Eks-prezıdentiń baspasóz hatshysy Aıdos Úkibaıdyń aıtýynsha, Nursultan Nazarbaevtyń úndeýinen keıin respýblıkalyq qorǵa bir kúnde 41 mlrd dollar jınalǵan. Aıdos Úkibaı bul qarajattyń qaýipti ınfeksııaǵa qarsy kúreske qajetti jabdyqtar – medısınalyq preparattardy, qorǵanys quraldaryn, ókpeni jasandy jeldetý apparattaryn, azyq-túlikti jáne halyqtyń áleýmettik osal toptaryna arnalǵan birinshi qajetti taýarlardy satyp alýǵa jumsalatynyn aıtty.

Respýblıkalyq qorǵa kim qansha qarajat aýdardy?

Qazaqstandyq «Eurasian Resources Group» kompanııasy  – 10 mln dollar;

"Qazaqmys korporasııasy" JShS – 10 mln dollar;

Kásipker Tımýr Qulybaev – 10 mln dollar;

Kásipker Keńes Raqyshev – 1 mln dollar;

«ATF» kommersııalyq bankiniń ıesi Ǵalymjan Esenov – 2 mln dollar;

«Mańǵystaýmunaıgaz» AQ Baqylaý keńesiniń tóraǵasy  Rashıd Sársenov – 2 mln  dollar;

Kásipker Aleksandr Klebanov – 2 mıllıon dollar;

Kásipker Aleksandr Belovıch – 2 mıllıon dollar.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir