• USD 389.52
  • EUR 429.21
  • RUB 6.07
  • CNY 54.94
28 Naýryz, 23:18:20
Shyńjańdyq dúngen: Dereý qazaqtardan keshirim surańdar! (aýdıo)

22 Naýryz, 2020 NEWS

Almaty jabylǵan alǵashqy kúngi ahýal (fotoreportaj)

foto: qamshy.kz

Nur-Sultan men Almaty qalalarynda tótenshe jaǵdaıdy qamtamasyz etý boıynsha 22 naýryz saǵat 00:00-den bastap qalaǵa kirýge jáne odan shyǵýǵa tyıym salynǵan «Jasyl dáliz» bekitilgen. Arnaıy qurylǵan 27 blok bekette polısııa men qorǵanys mınıstrligi qyzmetkerleri eshkimniń qalaǵa kirmeýin, qaladan shyqpaýyn qadaǵalap tur. Qamshy tilshisi Almaty qalasynyń shyǵys, soltústik-shyǵys bóliginen shyǵar joldarǵa qoıylǵan blok-beketterden fotoreportaj ázirledi.

Buǵan deıin Qamshy tilshisi qalanyń batys bóligi Altyn Orda bazary mańyndaǵy blok-bekette qaladan shyqqysy, oǵan kirgisi keletin azamattardyń kóp ekenin jazǵan.

Al Talǵarǵa baratyn tasjoldaǵy blok-bekettegi jaǵdaı birshama tynysh.

a

Talǵarǵa baratyn trassa boıyna qoıylǵan blok-beket

a

Qaladan shyǵýǵa ruhsaty bar azamattardyń qujattaryn tekserip, jeke derekterin qaǵazǵa túsirip turǵan mamandar

Munda qaladan shyqqysy keletin de, qalaǵa kirgisi keletin de adamdar kóp emes. Qaladan arnaıy ruhsaty bar kólikterdiń shyǵýyna ǵana ruhsat. Ruhsat medısınalyq jáne sanıtarlyq-epıdemıologııalyq qyzmet kórsetetin azamattarǵa, sondaı-aq jedel iske asyrý men kommýnaldyq sharýashylyqtyń, rıtýaldyq qyzmettiń, júkterdiń kez kelgen túrlerin júk jáne tranzıttik tasymaldaýlarǵa, jeke kýálik boıynsha mamandandyrylǵan ınkassatorlyq kólikterge ǵana berilgen.

a

Almatydan Talǵar aýdanyna qaraı bara jatqan Almatynan kombınatynyń kóligi blok-bekette tur

a

Qaladan shyǵa almaı turǵan turǵyndar

a

Blok-beketke kelip, keri qaıtqaly turǵan avtokólik

Qulja tasjolyna qoıylǵan blok-bekettegi jaǵdaı da osyǵan uqsas.

a

a
Qulja tas jolyndaǵy blok-beket

a

Arnaıy ruhsaty bar kólik blok-beketten ótkeli tur

a

Polısııa qyzmetkerlerinen qaladan shyǵarýyn surap turǵan júrgizýshi

o

Sanıtarlyq-epıdemıologııalyq bekettiń kezekshiliktegi qyzmetkeri

Qala boıynsha shyǵý-kirýge qoıylǵan shekteý qashan alynatyny ázirge belgisiz. Búginde 57 Qazaqstan azamatynan koronavırýs anyqtaldy. Olardyń 31-i Nur-Sultan, 23-i Almaty, 2-eýi Qaraǵandy qalasynyń, 1-eýi Almaty oblysynyǵ turǵyny.

Ilmek sózder: koronavırýs karantın

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir