• USD 389.52
  • EUR 429.21
  • RUB 6.07
  • CNY 54.94
28 Naýryz, 22:44:46
Shyńjańdyq dúngen: Dereý qazaqtardan keshirim surańdar! (aýdıo)

21 Naýryz, 2020 NEWS

Koronavırýs juqtyrǵan qazaqstandyq eki oblysta, bir qalada "emin-erkin" júrgen

Kórneki sýret

21 naýryzda Almaty oblysynda koronavırýs juqtyrǵan bir adam anyqtaldy. Osyǵan baılanysty Almaty oblystyq densaýlyq saqtaý basqarmasy Taldyqorǵanda brıfıng ótkizip, vırýs juqtyrǵan azamat týraly málimet berdi.

Basqarmanyń dereginshe,  vırýs juqtyrǵan azamat keshe, 20 naýryzda aýrýhanaǵa ózi telefon soǵyp, jedel járdem shaqyrǵan. 

"Naýqas 20 naýryz kúni  saǵat 10.45-te Qarasaı aýdandyq aýrýhanasyna telefon soǵyp, dene qyzýynyń kóterilgeni jaıly habarlaǵan. Sonyń arqasynda dárigerler ony saǵat 11.30-da  ınfeksııalyq aýrýhanaǵa oqshaýlady. Qazirgi ýaqytta onyń jaǵdaıy ortasha. Qurǵaq jóteli, kishkene dene qyzýy áli de bar" dedi Almaty oblystyq densaýlyq saqtaý basqarmasynyń basshysy Baýyrjan Ysqaq.

Onyń aıtýynsha, vırýs juqtyrǵan adam 17 naýryz kúni Saýd-Arabııasynan Stambýl arqyly Bishkekke ushyp kelgen.

"Onyń júrgen jolyn teksergende, 17 naýryz kúni Saýd-Arabııasynan Stambýl arqyly Bishkekke ushyp kelgengi anyqtaldy. Bishkek kedeninen jaıaý ótip, taksımen Almatyǵa kelgen. Taksıde ózimen birge taǵy 3 azamat bolǵan. Almatyda ony dostary kútip alady. Ol jerde bir kún bolyp, sodan keıin Jambyl oblysyndaǵy Shý qalasyna óziniń otbasyna barǵan. Ol jaqta bir kún bolyp, Almaty oblysy Qarasaı aýdanyna kelgen. Qarasaı aýdanynda ózi jalǵyz turady. Teksere kele bul adamnyń 11 adammen qarym-qatynasta bolǵany anyqtaldy. Olardyń barlyǵy oqshaýlanyp, aýrýhanalarǵa jatqyzyldy" dedi Baýyrjan Ysqaq. 

Resmı aqparat boıynsha, Qazaqstanda vırýs juqtyrǵan 53 adam bar. Nur-Sultanda – 28 adam, Almatyda – 22 adam, Qaraǵandyda – 2 adam, Almaty oblysynda 1 adam emdelip jatyr.

Qazaqstanda Covid-19 koronavırýsyn juqytyrǵandar alǵash ret 13 narýyzda anyqtalǵan. Keıin, 15 narýyzda – vırýs juqtyrǵandar sany segiz adamǵa jetkende prezıdent Qasym-Jomart Toqaevtyń jarlyǵymen elde 16 naýryz tańǵy segizden 15 sáýir tańǵy jetige deıin tótenshe jaǵdaı jarııalanǵan bolatyn. Al 19 narýyzdan bastap eldiń eki iri qalasy – Nur-Sultan men Almaty karantınge jabyldy. 


 

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir